കൊല്ലത്ത് ടിപ്പർ ലോറിയ്ക്കടിയിൽപ്പെട്ട് പൊലീസുകാരന് ദാരുണാന്ത്യം

കൊല്ലം : കൊല്ലത്ത് ലോറിയ്ക്കടിയിൽപ്പെട്ട് പൊലീസുകാരന് ദാരുണാന്ത്യം. കൊട്ടാരക്കര താലൂക്ക് ആശുപത്രിക്ക് മുന്നിലാണ് സംഭവം. ആശുപത്രിയിൽ ഡ്യൂട്ടിയിലുണ്ടായിരുന്ന ഗ്രേഡ് എസ്.ഐ സി.സി ജോൺസൺ ആണ് മരിച്ചത്. ചായ കുടിയ്ക്കാനോ മറ്റോ ആയി റോഡ് മുറിച്ചു കടക്കുന്നതിനിടയിലാണ് അപകടം. സമീപത്തെ ചെറിയ കയറ്റം കയറി വരികയായിരുന്ന ലോറിയാണ് ഇദ്ദേഹത്തിനെ ഇടിച്ച് ഇട്ടത്. തലയിലൂടെ ചക്രങ്ങൾ കയറിയിറങ്ങുകയായിരുന്നു. സംഭവ സ്ഥലത്ത് വച്ച് തന്നെ മരണം സംഭവിച്ചു.