ഭർത്താവിനൊപ്പം ബന്ധുവീട്ടിലേക്ക് പോയപ്പോഴാണ് സ്വർണവും പണവും വയോധിക പുരയിടത്തിൽ കുഴിച്ചിട്ടത്. പിന്നാലെ ബന്ധുവീട്ടില്‍ നിന്ന് തിരികെയെത്തിയെങ്കിലും കൊവിഡ് ബാധിച്ചതിനെ തുടർന്ന് സ്വർണവും പണവും വീണ്ടെടുക്കാനും ആയില്ല. കൊവിഡ് ബാധയ്ക്ക് ശേഷം സാധനം എടുക്കാനെത്തിയെങ്കിലും കുഴിച്ചിട്ട സ്ഥലം മറന്നു പോയതോടെ വീടിന് സമീപം പലയിടങ്ങളിലും കുഴിച്ചു.
എന്നാൽ ഫലമില്ലാതെ വന്നതോടെ കുഴിച്ചിട്ട സ്വർണവും പണവും കള്ളന്മാർ കൊണ്ടുപോയതായി തന്നെ വിചാരിച്ചു. പിന്നാലെ ഓച്ചിറ പോലീസിൽ സ്വർണം മോഷണം പോയെന്ന് പരാതി നൽകുകയായിരുന്നു. ഇതിന്മേൽ പോലീസ് അന്വേഷണം പുരോഗമിക്കവേയാണ് പുരയിടത്തിൽ കുഴിച്ചിട്ട സംഭവം പുറത്തു വരുന്നത്.
20 പവൻ സ്വർണവും 15,000 രൂപയുമാണ് ഇവർ ഇത്തരത്തിൽ കുഴിച്ചിട്ടത്. പുരയിടത്തിൽ തന്നെ സ്വർണവും പണവും ഉണ്ടെന്ന നിഗമനത്തിൽ പോലീസ് ഇവിടെ മുഴുവന്‍കുഴിക്കാന്‍ തീരുമാനിക്കുകയായിരുന്നു. തുടര്‍ന്നാണ് പുരയിടത്തില്‍ നിന്നു സ്വര്‍ണവും പണവും കണ്ടെത്തിയത്.
വാർത്തകൾ നൽകാൻ ഇവിടെ ക്ലിക്ക് ചെയ്യു
>
0 تعليقات