മാപ്പിളപ്പാട്ട് ലോകത്തെ സുൽത്താന വിടവാങ്ങി!, പ്രശസ്ത ഗായിക വിളയിൽ ഫസീല അന്തരിച്ചു, പാടി തീർത്തത് അയ്യായിരത്തോളം പാട്ടുകൾ

കോഴിക്കോട് : പ്രശസ്ത മാപ്പിളപ്പാട്ട് ഗായിക വിളയിൽ ഫസീല അന്തരിച്ചു. 63 വയസായിരുന്നു. കോഴിക്കോട് വെള്ളിപറമ്പിലെ വസതിയിലായിരുന്നു അന്ത്യം.

മലപ്പുറം ഏറനാട് താലൂക്കിലെ മുതുവല്ലൂർ പഞ്ചായത്തിലെ വിളയിലിലാണ് ജനനം. വിളയിൽ വത്സല എന്നറിയപ്പെട്ടിരുന്ന ഇവർ പിന്നീട് ഇസ്ലാം മതം സ്വീകരിച്ച് വിളയിൽ ഫസീല എന്ന പേർ സ്വീകരിക്കുകയായിരുന്നു. അയ്യായിരത്തോളം പാട്ടുകൾ പാടിയിട്ടുണ്ട്.

ഭർത്താവ്: പരേതനായ മുഹമ്മദലി. മക്കൾ: ഫാഹിമ, ഫയാദലി (ദുബായ്). മരുമക്കൾ: റമീസ്, ഷഹർബാൻ.