ജനങ്ങളുടെ ദുരിതയാത്രയ്ക്ക് പരിഹാരമാകുന്നു!, അഷ്ടമുടി ലൈവ് വാർത്താ പരമ്പരയിൽ ചൂണ്ടിക്കാട്ടിയ റോഡിന് ശാപമോക്ഷം, ടെൻണ്ടർ സ്വകാര്യ ഏജൻസി ഏറ്റെടുത്തത് തൃക്കരുവ ഗ്രാമ പഞ്ചായത്ത് സ്റ്റാൻ്റിംഗ് കമ്മിറ്റി ചെയർമാൻ അജ്മീൻ എം കരുവയുടെ നിരന്തര ഇടപെടലുകൾക്കൊടുവിൽ

റോഡിൻറെ ദുരവസ്ഥ ചൂണ്ടിക്കാട്ടി അജ്മീൻ എം കരുവ മാസങ്ങൾക്ക് മുൻപേ എംഎൽഎയെ സമീപിച്ചിരുന്നു. ദുരവസ്ഥ കേട്ടറിഞ്ഞ എംഎൽഎ എം.മുകേഷ് ഉടൻ തന്നെ ഫണ്ട് അനുവദിച്ചെങ്കിലും ഒരു ഏജൻസിയും ഏറ്റെടുക്കാൻ തയ്യാറാവാത്തതിനെ തുടർന്ന് കാലതാമസം നേരിടുകയായിരുന്നു. അഷ്ടമുടി ലൈവ് ന്യൂസ് വാർത്താ പരമ്പരയായ 'തൃക്കരുവയിലെ മരണവീഥികളി'ൽ ഏറ്റവും കൂടുതൽ ഉയർത്തി കാട്ടിയ റോഡുകളിൽ പ്രധാനപ്പെട്ടതാണ് ഇപ്പോൾ ടെൻഡറായി ശാപമോക്ഷം കാത്തു കിടക്കുന്നത്. വാർത്തയിൽ ഗ്രാമപഞ്ചായത്ത് ഭരണസമിതിക്കെതിരെ ഗുരുതര വിമർശനം ഉൾപ്പെടുത്തിയിരുന്നു. തുടർന്ന് ടെണ്ടർ കാല താമസത്തിന് കാരണമായ വസ്തുതകളെ പറ്റി അജ്മീൻ എം കരുവ അഷ്ടമുടി ലൈവിനോട് തുറന്നു സംസാരിച്ചിരുന്നു