വിറക് ഇറക്കുന്നതുമായി ബന്ധപ്പെട്ടുള്ള വാക്കു തർക്കം: പത്തനംതിട്ടയിൽ യുവാവിനെ അയൽവാസി തലയ്ക്കടിച്ച് കൊന്നു

പത്തനംതിട്ട : വിറക് ഇറക്കുന്നതുമായി ബന്ധപ്പെട്ടുള്ള വാക്കു തർക്കത്തെ തുടർന്ന് പെരുംപെട്ടിയിൽ യുവാവിനെ അയൽവാസി തലയ്ക്കടിച്ച് കൊലപ്പെടുത്തി. പെരുംപെട്ടി പുള്ളുവലി സ്വദേശി രതീഷ് ( 40 )ആണ് മരിച്ചത്. ഇന്നലെ രാത്രിയായിരുന്നു സംഭവം. അയൽവാസി അപ്പുകുട്ടനെ (33) പൊലീസ് കസ്റ്റഡിയിലെടുത്തു.

ചികിത്സയിലിരിക്കെ ഇന്ന് രാവിലെയാണ് രതീഷ് മരിച്ചത്. അപ്പുക്കുട്ടനെതിരെ കൊലക്കുറ്റം ചുമത്തുമെന്നും അറസ്റ്റ് രേഖപ്പെടുത്തിയ ശേഷം കോടതിയിൽ ഹാജരാക്കുമെന്നും പൊലീസ് അറിയിച്ചു. മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുകൊടുക്കും.