അഞ്ചാലുംമൂട്ടിൽ ഗൃഹനാഥൻ വീട്ടിൽ മരിച്ച നിലയിൽ...!, മൃതദേഹം കണ്ടെത്തിയത് ഫോണിൽ വിളിച്ചിട്ട് ലഭ്യമാകാത്തതിനെ തുടർന്ന് വീട്ടിലെത്തി അന്വേഷിച്ചപ്പോൾ

അഞ്ചാലുംമൂട് : നീരാവിലിൽ ഗൃഹനാഥനെ വീട്ടിൽ മരിച്ച നിലയിൽ കണ്ടെത്തി. നീരാവിൽ അക്ഷരമുറ്റം നഗർ 66-ൽ നെടുവിള വടക്കതിൽ പരേതനായ സത്യാനന്ദന്റെ മകൻ ഓമനക്കുട്ടനെ (57) ആണ് വീടിനുള്ളിൽ തൂങ്ങിമരിച്ച നിലയിൽ കണ്ടെത്തിയത്. കഴിഞ്ഞദിവസം രാത്രിയോടെയായിരുന്നു സംഭവം. ഓമനക്കുട്ടന്റെ ഭാര്യ കടവൂരിലെ സ്വകാര്യ തുണിക്കടയിൽ ജോലി നോക്കുകയാണ്. ദിവസവും ഓമനക്കുട്ടനാണ് ഭാര്യയെ വീട്ടിലേക്ക് വിളിച്ചുകൊണ്ട് വരുന്നത്. എന്നാൽ കഴിഞ്ഞദിവസം പതിവു സമയം കഴിഞ്ഞിട്ടും ഓമനക്കുട്ടൻ വന്നില്ല. തുടർന്ന് നിരവധി തവണ വിളിച്ചു എങ്കിലും ഫോണിൽ ലഭ്യമായിരുന്നില്ല. തുടർന്ന് ഭാര്യ വീട്ടിലെത്തി നോക്കുമ്പോഴാണ് വീടിനുള്ളിൽ തൂങ്ങിമരിച്ച നിലയിൽ കണ്ടെത്തിയത്. അമ്മ സത്യഭാമ ഭാര്യ: ഷീജ മക്കൾ: മിഥുൻ, ദേവു മരുമകൻ: സാം സുഭാഷ്. സംസ്കാരം ഞായറാഴ്ച വൈകിട്ട് ആറ് മണിയോടെ വീട്ടുവളപ്പിൽ നടന്നു.