കൊല്ലം ബൈപാസിലുണ്ടായ അപകടത്തിൽ ബൈക്ക് യാത്രികനായ യുവാവിന് ദാരുണാന്ത്യം...!, ലോറിയുമായി കൂട്ടിയിടിച്ച് മരിച്ചത് കുരീപ്പുഴ സ്വദേശിയായ 24-കാരൻ, ബൈക്ക് ഓടിച്ചിരുന്ന സുഹൃത്ത് ചികിത്സയിൽ

കിളികൊല്ലൂർ : കൊല്ലം ബൈപാസിൽ ലോറിയും ബൈക്കും കൂട്ടിയിടിച്ച് യുവാവിന് ദാരുണാന്ത്യം. ബൈപാസിൽ മങ്ങാട് ഭാഗത്തുണ്ടായ അപകടത്തിൽ കാവനാട് സെന്റ് ജോർജ് ഐലൻഡിൽ ആന്റണിയുടെ മകൻ ജിതിൻ (24) ആണ് മരിച്ചത്. ബൈക്ക് ഓടിച്ചിരുന്നതായ സുഹൃത്ത് ഇമ്മാനുവൽ ഗുരുതര പരിക്കുകളോടെ തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിലാണ്.

ബൈപാസിന്റെ നിർമാണപ്രവർത്തനങ്ങളുടെ ഭാഗമായി എത്തിയ ലോറി പിന്നോട്ടെടുക്കുന്നതിനിടെയായിരുന്നു അപകടം. ഞായറാഴ്ച ഉച്ചക്ക് 12.45-നായിരുന്നു സംഭവം. ഈക്കാര്യങ്ങൾ ബന്ധുക്കൾ പോലീസിന് നൽകിയ മൊഴിയിൽ വിശദമാക്കി. അപകടത്തിൽ ബൈക്ക് യാത്രികരായ ഇരുവരും റോഡിലേക്ക് തെറിച്ചുവീണു. മേവറത്തെ സ്വകാര്യ ആശുപത്രിയിലെത്തിച്ചെങ്കിലും ജിതിൻ മരിച്ചു. കിളികൊല്ലൂർ പോലീസ് കേസെടുത്തു.