പതിനായിരങ്ങൾക്ക് ആശ്രയമായ വിനോദേട്ടൻ ഇനിയില്ല...!, ബ്ലഡ് ഡോണർസ് കേരള സ്ഥാപകൻ വിനോദ് ഭാസ്കർ അന്തരിച്ചു

കോട്ടയം ജില്ലയിലെ ചങ്ങനാശേരി സ്വദേശിയായ വിനോദ്, കെ.എസ്.ആർ.ടി.സി. ബസ് കണ്ടക്ടറായി ജോലി ചെയ്തിരുന്ന ഒരു സാധാരണക്കാരനായിരുന്നു. എന്നാൽ, അദ്ദേഹത്തിന്റെ മനുഷ്യസ്നേഹവും സാമൂഹിക പ്രതിബദ്ധതയും അദ്ദേഹത്തെ ഒരു അസാധാരണ വ്യക്തിത്വമാക്കി മാറ്റി.

വിനോദ് ഭാസ്കർ 2011-ൽ 'We Help' എന്ന പേര് നൽകി ഒരു ഫേസ്ബുക്ക് പേജ് ആരംഭിച്ചു. സാമൂഹിക മാറ്റത്തിനായി സോഷ്യൽ മീഡിയയുടെ സാധ്യതകൾ പ്രയോജനപ്പെടുത്തുകയായിരുന്നു ലക്ഷ്യം. ആശുപത്രികളിൽ രക്തത്തിന്റെ അടിയന്തര ആവശ്യം ശ്രദ്ധയിൽപ്പെട്ടതോടെ, 2014-ൽ അദ്ദേഹം ബ്ലഡ് ഡോണർസ് കേരള എന്ന സംഘടന രൂപീകരിച്ചു. ഈ സംരംഭം കേരളത്തിലെ രക്തദാന പ്രസ്ഥാനത്തിന് വലിയ മാറ്റം വരുത്തി.