കണ്ണീരോർമ്മയായി അനന്യ; നിയമ നടപടിയ്‌ക്കൊരുങ്ങി ബന്ധുക്കൾ

Table of Contents

കൊല്ലം : ട്രാന്‍സ്‌ജെന്‍ഡര്‍ ആക്റ്റിവിസ്റ്റ് അനന്യ കുമരി അലക്സിൻ്റെ  മരണത്തില്‍ ദുരൂഹത ആരോപിച്ച് നിയമനടപടിക്കൊരുങ്ങുകയാണു ബന്ധുക്കള്‍. എന്നാൽ പോസ്റ്റുമാർട്ടത്തിന് മുമ്പുള്ള പ്രാഥമിക നിഗമനത്തിൽ തൂങ്ങി മരണമാണെന്ന് പരാമർശിക്കുന്നതായാണ് റിപ്പോർട്ട്. കൊച്ചി റിനൈ മെഡിസിറ്റി ഹോസ്പിറ്റലിൽ ലിംഗമാറ്റ ശസ്ത്രക്രിയക്കു വിധേയയായ ഇരുപത്തിയെട്ടുകാരിയായ അനന്യക്കു വിദഗ്ധ ചികിത്സ ലഭിച്ചില്ലെന്നാണ് ബന്ധുക്കളുടെയും സുഹൃത്തുക്കളുടെയും ആക്ഷേപം. ഇക്കാര്യം ഉന്നയിച്ച് വീണ്ടും ആശുപത്രിയിലെത്തിയ അനന്യക്ക് മര്‍ദനമേറ്റെന്നും ബന്ധുക്കള്‍ ആരോപിക്കുന്നു.

അനന്യയുടെ മരണവുമായി ബന്ധപ്പെട്ട വിഷയത്തില്‍ അടിയന്തര അന്വേഷണം നടത്താന്‍ ഇന്നലെ ആരോഗ്യ വകുപ്പ് ഡയറക്ടര്‍ക്ക് വകുപ്പ് മന്ത്രി വീണാ ജോര്‍ജ് നിര്‍ദേശം നല്‍കിയിരുന്നു. ഇതുസംബന്ധിച്ച് ട്രാന്‍സ്‌ജെന്‍ഡര്‍ സംഘടനയും പരാതി നല്‍കിയിരുന്നു. ലിംഗമാറ്റ ശസ്ത്രക്രിയകളുമായി ബന്ധപ്പെട്ടുള്ള വിഷയങ്ങളെപ്പറ്റി പഠിക്കാന്‍ വിദഗ്ധ സമിതി രൂപീകരിക്കുമെന്നും മന്ത്രി അറിയിച്ചു.

HIGHLIGHTS : Anannayah Kumari Alex's death, Relatives ready for legal action