ചവറയിൽ യുവതി ഭ​ർ​തൃ​വീട്ടിൽ ജീവനൊടുക്കിയ സംഭവത്തിൽ അന്വേഷണം ഇഴയുന്നു

Table of Contents

കൊല്ലം : ചവറയിൽ യു​വ​തിയുടെ ആ​ത്മ​ഹ​ത്യയിൽ പൊലീസ് അന്വേഷണം ഇഴയുന്നതായി ആക്ഷേപം.​ പൊ​ലീ​സ് അ​ലം​ഭാ​വം കാ​ട്ടു​കയാണ് എന്നാണ് പ​രാ​തി. ഭ​ർ​തൃ​ വീട്ടിലെ കു​ളി​മു​റി​യി​ൽ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യ ഇ​ർ​ഷാ​ദിൻ്റെ ഭാ​ര്യ ച​വ​റ കൊ​ട്ടു​കാ​ട് ക​ന്നേ​ൽ കി​ഴ​ക്ക​തി​ൽ ബി​ൻ​ഷാ ബ​ഷീ​ർ, ഇർഷാദിൻ്റെ വസതിയായ തേ​വ​ല​ക്ക​ര കോ​യി​വി​ള ഭ​ര​ണി​ക്കാ​വ് ത​ട​ത്തി​ൽ വീ​ട്ടി​ൽ ആ​ഗ​സ്​​റ്റ്​ 25നാ​ണ് ​ആത്മഹത്യ ചെയ്തത്. 

ഇ​തു​മാ​യി ബ​ന്ധ​പ്പെ​ട്ട്​ പെ​ൺ​കു​ട്ടി​യു​ടെ മൊ​ബൈ​ലി​ൽ നിന്ന് ലഭിച്ച തെ​ളി​വുകളുടെ അ​ടി​സ്ഥാ​ന​ത്തി​ൽ ഒ​രു യു​വാ​വി​നെ വി​ളി​ച്ചു​വ​രു​ത്തി മൊ​ഴി എ​ടു​ത്തെ​ങ്കി​ലും അ​ന്വേ​ഷ​ണം ഇ​ഴ​യു​ന്ന​താ​യാ​ണ് പ​രാ​തി. പെ​ൺ​കു​ട്ടി​യു​ടെ ഭ​ർ​ത്താ​വ് സം​ഭ​വ​ദി​വ​സം രാ​ത്രി​യി​ൽ ത​ന്നെ ഖ​ത്ത​റി​ൽ നി​​ന്നെെത്തുക​യും മ​ര​ണ​ത്തി​ൽ ദു​രൂ​ഹ​ത ചൂ​ണ്ടി​ക്കാ​ട്ടി 27ന്​ ​ജി​ല്ല പൊ​ലീ​സ് ക​മീ​ഷ​ണ​ർ​ക്ക് പ​രാ​തി ന​ൽ​കുകയും ചെയ്തിരുന്നു. തുടർന്ന് ച​വ​റ തെ​ക്കും​ഭാ​ഗം പൊ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ലാ​ണ് കോ​യി​വി​ള, പു​ത്ത​ൻ സ​ങ്കേ​തം സ്വ​ദേ​ശി​യും, ജീ​വ​കാ​രു​ണ്യ പ്ര​വ​ർ​ത്ത​ക​നു​മാ​യ യു​വാ​വി​നെ തെ​ക്കും​ഭാ​ഗം പൊ​ലീ​സ് വി​ളി​ച്ചു​വ​രു​ത്തി മൊ​ഴി എ​ടു​ത്ത് വി​ട്ട​യ​ച്ച​ത്.

ഇ​യാ​ളു​ടെ മൊ​ബൈ​ലി​ൽ​നി​ന്ന് പെ​ൺ​കു​ട്ടി​യു​മാ​യി ആ​ശ​യ വി​നി​മ​യം ന​ട​ത്തി​യ​തിൻ്റെ തെ​ളി​വു​ക​ൾ ല​ഭി​ച്ചി​രു​ന്നതായാണ് വിവരം. മ​രി​ച്ച യു​വ​തി​യു​മാ​യി മ​ര​ണ​ദി​വ​സ​വും രാ​ത്രി​യി​ൽ മൊ​ബൈ​ലി​ൽ വി​ളി​ച്ച​തി​െൻറ തെ​ളി​വി​െൻറ അ​ടി​സ്ഥാ​ന​ത്തി​ലാ​ണ് ഇ​യാ​ളെ കേ​ന്ദ്രീ​ക​രി​ച്ച്​ പൊ​ലീ​സ് അ​ന്വേ​ഷ​ണം ന​ട​ത്തി​യ​ത്. 

എ​ന്നാ​ൽ അ​ന്വേ​ഷ​ണം വേ​ണ്ട​രീ​തി​യി​ൽ ന​ട​ക്കു​ന്നു​ണ്ടെ​ന്നും യു​വാ​വി​ൽ​നി​ന്നും ക​ണ്ടെ​ടു​ത്ത മൊ​ബൈ​ൽ​ഫോ​ൺ സൈ​ബ​ർ ഫോ​റ​ൻ​സി​ക്കി​ന് കൈ​മാ​റാ​നു​ള്ള സാ​ങ്കേ​തി​ക താ​മ​സം മാ​ത്ര​മാ​ണ് ഉ​ണ്ടാ​യി​ട്ടു​ള്ള​തെ​ന്നും പൊ​ലീ​സ് പ​റ​യു​ന്നു.