പ്ലസ് വണ്‍ സ്‌പോര്‍ട്‌സ് ക്വാട്ട, പ്രവേശനത്തിനൊരുങ്ങുന്നവർ അറിഞ്ഞിരിക്കേണ്ടത് എന്തെല്ലാം?

തിരുവനന്തപുരം : പ്ലസ് വൺ അഡ്മിഷൻ്റെ ഭാഗമായിട്ടുള്ള സ്‌പോര്‍ട്‌സ് ക്വാട്ട അലോട്ട്‌മെന്റ് നാളെ പ്രസിദ്ധീകരിക്കും. സെപ്തംബര്‍ 25 ,29 തീയതികളില്‍ ആയിരിക്കും സ്‌പോര്‍ട്‌സ് ക്വാട്ട അഡ്മിഷന്‍ നടക്കുക. അലോട്ട്‌മെന്റ് വിവരങ്ങള്‍ക്ക് www.adimission.dge.kerala.gov.in എന്ന വെബ്‌സൈറ്റ് സന്ദര്‍ശിച്ച് Candidate Login-Sports എന്ന ലിങ്കില്‍ പ്രവേശിച്ചാല്‍ റിസല്‍ട്ട് പരിശോധിക്കാം.

അലോട്ട്‌മെന്റ് പട്ടികയിലുള്ളവർക്ക് സര്‍ട്ടിഫിക്കറ്റുകളുമായി നേരിട്ടെത്തി പ്രവേശനം നേടാം. കോവിഡ് മാനദണ്ഡം അനുസരിച്ചാണ് പ്രവേശന നടപടികള്‍. ഒരു വിദ്യാര്‍ഥിയുടെ പ്രവേശന പ്രക്രിയകൾ പൂര്‍ത്തിയാക്കാന്‍ ആകെ 15 മിനിട്ടാണ് അനുവദിച്ചിരിക്കുന്നത്.