പാമ്പുകടിയേറ്റ് കോട്ടയം മെഡിക്കല് കോളേജ് ആശുപത്രിയില് ചികിത്സയില് കഴിയുന്ന വാവാ സുരേഷിനെ വെന്റിലേറ്ററില് നിന്ന് മാറ്റി. ആരോഗ്യനിലയില് കാര്യമായ പുരോഗതിയുണ്ടായതോടെയാണ് വെന്റിലേറ്ററില് നിന്ന് മാറ്റിയത്. 48 മണിക്കൂര് വരെ സുരേഷ് ഐസിയു നിരീക്ഷണത്തില് തുടരും. സുരേഷിന് സ്വന്തമായി ശ്വാസമെടുക്കാന് കഴിയുന്നുണ്ട്. ഡോക്ടര്മാരോടും ആരോഗ്യപ്രവര്ത്തകരോടും സംസാരിച്ചു.
കഴിഞ്ഞ ദിവസം നീലംപേരൂരിൽ വച്ചാണ് വാവാ സുരേഷിനെ മൂർഖൻ പാമ്പ് കടിച്ചത്. പാമ്പിനെ ചാക്കിൽ കയറ്റുന്നതിനിടയിലാണ് തുടയിൽ കടിക്കുകയായിരുന്നു. ഗുരുതരമായി ആരോഗ്യ പ്രശ്നമുണ്ടായ സുരേഷിനെ കോട്ടയത്തെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും പിന്നീട് കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റുകയായിരുന്നു. ന്യൂറോ, കാർഡിയാക് വിദഗ്ധർമാർ അടങ്ങുന്ന പ്രത്യേക സംഘത്തിന്റെ മേൽനോട്ടത്തിലാണ് വാവാ സുരേഷിന്റെ ചികിത്സ.
രണ്ടാഴ്ച മുൻപ് വാവാ സുരേഷിന് വാഹനാപകടത്തിൽ സാരമായി പരിക്കേറ്റിരുന്നു. തിരുവനന്തപുരം പോത്തൻകോട്ട് വച്ചുണ്ടായ അപകടത്തില് സുരേഷിൻ്റെ തലയ്ക്കായിരുന്നു പരിക്കേറ്റത്. തുടർന്ന് തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിക്കപ്പെട്ട സുരേഷ് ഡിസ്ചാർജായി വീട്ടിലേക്ക് മടങ്ങുകയും വീണ്ടും പാമ്പ് പിടുത്തവുമായി സജീവമാക്കുകയും ചെയ്തു. ഇതിനിടയിലാണ് പാമ്പ് കടിയേറ്റ് വീണ്ടും ആശുപത്രിയിലായത്.
.jpg)
