‘റോയിട്ടേഴ്സ്’ ബെംഗളൂരു ഓഫീസില് സബ് എഡിറ്ററാണ് ശ്രുതി. ബെംഗളൂരു നല്ലൂറഹള്ളി മെഫെയറിലെ അപ്പാര്ട്ട്മെന്റിലായിരുന്നു ശ്രുതിയും ഭര്ത്താവ് അനീഷും താമസിച്ചിരുന്നത്. ശ്രുതിയെ മരിച്ച നിലയില് കണ്ടെത്തിയ ദിവസം തളിപ്പറമ്പിനടുത്ത ചുഴലിയിലെ വീട്ടിലായിരുന്നു ഭര്ത്താവ് അനീഷ്. നാട്ടില്നിന്ന് അമ്മ ഫോണ് വിളിച്ചിട്ട് പ്രതികരണമുണ്ടാവത്തതിനെ തുടര്ന്ന് നടത്തിയ പരിശോധനയിലാണ് ശ്രുതിയെ മരിച്ച നിലയില് കണ്ടെത്തിയത്.
ബെംഗളൂരുവില് എന്ജിനീയറായ സഹോദരന് നിശാന്ത് അപ്പാര്ട്ട്മെന്റിലെ സെക്യൂരിറ്റിയോട് ഫോണില് ബന്ധപ്പെട്ടതോടെയാണ് മുറിയിലെത്തി പരിശോധിച്ചത്. ഈ സമയം മുറി അകത്തുനിന്ന് പൂട്ടിയിരിക്കുകയായിരുന്നു. ഇതേത്തുടര്ന്ന് എത്തിയപ്പോഴാണ് മുറിക്കുള്ളില് ശ്രുതിയെ മരിച്ച നിലയില് കണ്ടത്.
അതേസമയം, ശ്രുതിയുടെ മരണത്തില് ദുരൂഹത ആരോപിച്ച് ബന്ധുക്കള് രംഗത്ത് എത്തി. ദുരൂഹത നീക്കണം എന്നാവശ്യപ്പെട്ട് ബന്ധുക്കള് വൈറ്റ്ഫീല്ഡ് പോലീസ് സ്റ്റേഷനില് പരാതി നല്കി. അഞ്ചുവര്ഷം മുന്പായിരുന്നു ശ്രുതിയുടെ വിവാഹം നടന്നത്. വിദ്യാനഗര് ചാല റോഡില് താമസിക്കുന്ന മുന് അധ്യാപകനും പരിസ്ഥിതിപ്രവര്ത്തകനുമായ നാരായണന് പേരിയയുടെയും മുന് അധ്യാപിക സത്യഭാമയുടെയും മകളാണ്.
.jpg)
