മുടി സ്ട്രൈറ്റ് ചെയ്താൽ കാൻസർ സാധ്യത ഏറെ!; പുതിയ പഠനം പുറത്ത്

മുടി സ്ട്രൈറ്റ് ചെയ്യുന്നത് ക്യാൻസർ സാധ്യത വർദ്ധിക്കുന്നതിന് കാരണമാകുന്നു എന്ന് പുതിയ പഠനം. ഓക്സ്ഫോർഡ് അക്കാദമിയുടെ ക്യാൻസർ ഇൻസ്റ്റിറ്റ്യൂട്ട് നടത്തിയ പഠനത്തിൽ, മുടി സ്ട്രൈറ്റ് ചെയ്യുന്നവരിൽ സ്താനർബുദവും അണ്ഡാശയ ക്യാൻസറും ഉണ്ടാകാനുള്ള സാധ്യത കൂടുതലാണെന്ന് കണ്ടെത്തി.

മുടി സ്ട്രൈറ്റ് ചെയ്യാൻ പ്രസിംഗ് ഉപകരണങ്ങളും രാസപദാർത്ഥങ്ങളും ഉപയോഗിക്കുന്ന സ്ത്രീകളിൽ ക്യാൻസർ വരാനുള്ള സാധ്യത കൂടുതലാണെന്ന് പഠനത്തിലൂടെ കണ്ടെത്തി. മുടി സ്ട്രൈറ്റ് ചെയ്യുമ്പോൾ ഉപയോഗിക്കുന്ന രാസപദാർത്ഥങ്ങൾ ഹോർമോണുമായി ബന്ധപ്പെട്ട ക്യാൻസർ സാധ്യത വർദ്ധിപ്പിക്കും.

ക്യാൻസർ ഇൻസ്റ്റിറ്റ്യൂട്ടിന്റെ പഠനം അനുസരിച്ച്, കഴിഞ്ഞ ഒരു വർഷം മുടി സ്ട്രേറ്റ് ചെയ്യാൻ രാസപദാർത്ഥങ്ങൾ ഉപയോഗിക്കാത്ത സ്ത്രീകളിൽ 1.6 ശതമാനം പേർക്ക് എഴുപതാം വയസ്സിൽ അണ്ഡാശയ ക്യാൻസർ റിപ്പോർട്ട് ചെയ്തിട്ടുണ്ട്. എന്നാൽ രാസപദാർത്ഥങ്ങൾ ഉപയോഗിക്കുന്ന സ്ത്രീകളിൽ നാല് ശതമാനം പേർക്കാണ് എഴുപതാം വയസ്സിൽ അണ്ഡാശയ ക്യാൻസർ റിപ്പോർട്ട് ചെയ്തിരിക്കുന്നത്.