ബുധനാഴ്ച രാവിലെ 10.15ന് ഹൊസ്ദുര്ഗ് സബ് രജിസ്ട്രര് ഓഫീസില് സ്പെഷ്യല് മാര്യേജ് ആക്ട് പ്രകാരമാണ് വിവാഹം നടന്നത്. ലോക വനിതാ ദിനത്തില് തങ്ങളുടെ പെണ്മക്കളെ സാക്ഷിയാക്കിയാണ് ദാമ്ബത്യത്തിന്റെ 28-ാം വര്ഷത്തില് ഇരുവരും രജിസ്ട്രര് വിവാഹം ചെയ്തത്. ഷുക്കൂറിന്റേയും ഷീനയുടേയും മക്കളായ ഖദീജ ജാസ്മിന്, ഫാത്തിമ ജെബിന്, ഫാത്തിമ ജെസ എന്നിവരൊപ്പമെത്തിയാണ് ഷുക്കൂറും ഷീനയും രണ്ടാമതും വിവാഹിതരായത്.
അഡ്വ.സജീവനും സിപിഎം നേതാവായ വി.വി.രമേശുമാണ് വിവാഹ രജിസ്റ്ററില് സാക്ഷികളായി ഒപ്പുവെച്ചത്. പെണ്മക്കളുടെ അവകാശസംരക്ഷണത്തിനായി ആണ് മുസ്ലിം മതാചാര പ്രകാരം ആദ്യം വിവാഹിതരായ ഇരുവരും സ്പെഷ്യല് മാര്യേജ് ആക്ട് പ്രകാരം വീണ്ടും വിവാഹിതരാകുന്നതും ഇതിനായി വനിതാ ദിനം തെരഞ്ഞെടുക്കുന്നതും. മുസ്ലിം വ്യക്തി നിയമത്തിലെ വ്യവസ്ഥ മറികടക്കാനും തന്റെ സ്വത്തുക്കളുടെ അവകാശം പൂര്ണമായും പെണ്മക്കള്ക്ക് ലഭിക്കുന്നതിനും വേണ്ടിയാണ് സ്പെഷ്യല് മാര്യേജ് നിയമപ്രകാരം വീണ്ടും വിവാഹം കഴിക്കാനൊരുങ്ങുന്നതെന്നും അഡ്വ. ഷുക്കൂര് നേരത്തെ വ്യക്തമാക്കിയിരുന്നു.
മുസ്ലിം പിന്തുടര്ച്ചാ നിയമപ്രകാരം ആണ്മക്കളുണ്ടെങ്കിലെ മുഴുവന് സ്വത്തും കൈമാറാനാകൂ. ഷൂക്കൂറിനും ഷീനയ്ക്കും മൂന്ന് പെണ്മക്കളായതിനാല് സ്വത്തിന്റെ മൂന്നില്രണ്ട് ഓഹരി മാത്രമാണ് മക്കള്ക്ക് കിട്ടുക. ബാക്കി സഹോദരങ്ങള്ക്ക് അവകാശപ്പെട്ടതാണ്. ഇയൊരു പ്രതിസന്ധി മറികടക്കാനാണ് സ്പെഷ്യല് മാര്യേജ് ആക്ട് പ്രകാരം വീണ്ടും കല്യാണം കഴിക്കുന്നതെന്ന് അഡ്വ ഷുക്കൂര് പറയുന്നു. രണ്ടുതവണയുണ്ടായ കാര് അപകടമാണ് ജീവിതത്തിന്റെ മറ്റൊരു തലത്തിലേക്കുകൂടി ആലോചനയെത്താന് കാരണമായതെന്നും ഷുക്കൂര് ഫേസ്ബുക്ക് പോസ്റ്റില് പറഞ്ഞു.
ഇത് ആരെയെങ്കിലും വെല്ലുവിളിക്കലോ, എന്തിനെയെങ്കിലും ധിക്കരിക്കലോ അല്ല. തുല്യത എന്ന മാനവിക സങ്കല്പത്തിന് നിരക്കാത്ത ഒരു വ്യവസ്ഥ ഇസ്ലാമിന്റെ പേരില് നിലനില്ക്കുമ്ബോള് നീതിക്ക് വേണ്ടി നമ്മുടെ മഹത്തായ ഭരണഘടനയില് അഭയം പ്രാപിക്കുക മാത്രമാണ്. സ്പെഷ്യല് മാര്യേജ് ആക്ട് വഴി വിവാഹം കഴിക്കുന്നവരെ മുസ്ലിം വ്യക്തിനിയമം ബാധിക്കുകയില്ല എന്ന സാധ്യതയെ തേടുക മാത്രമാണ് ഞങ്ങള് ചെയ്യുന്നതെന്നും അഡ്വ. ഷുക്കൂര് വ്യക്തമാക്കുന്നു.
.jpg)
