യുവാവിനെ കൂട്ടം ചേർന്ന് മർദിച്ചു; 21 പേർക്കെതിരെ കേസെടുത്ത് പോലീസ്

തി​രു​വ​ന​ന്ത​പു​രം : പേ​ട്ട റെ​യി​ൽ​വേ പ്ലാ​റ്റ് ഫോ​മി​ൽ യു​വാ​വി​നെ കൂട്ടംകൂടി മ​ർ​ദി​ച്ച് അ​വ​ശ​നാ​ക്കി​യ കേ​സി​ൽ 21 പേ​ർ​ക്കെ​തി​രെ കൊ​ല​പാ​ത​ക ശ്ര​മ​ത്തി​ന് കേസ് രജിസ്റ്റർ ചെയ്ത് പോലീസ്. അ​ക്ര​മ​ത്തി​ന് നേ​തൃ​ത്വം ന​ൽ​കി​യ സു​ധി​ക്കും ഒ​പ്പ​മു​ണ്ടാ​യി​രു​ന്ന 20 പേ​ർ​ക്കു​മെ​തി​രെ​യാ​ണ് കേസെടുത്തിരിക്കുന്നത്. പ്ര​തി​ക​ളെ​ല്ലാം ചാ​ക്ക ഐ.​ടി.​ഐ​യി​ലെ വി​ദ്യാ​ർ​ഥി​ക​ളാ​ണ്. പേ​ട്ട റെ​യി​ൽ​വേ സ്​​റ്റേ​ഷ​ന്​ സ​മീ​പം ടി.​സി 30/1077 സി.​ആ​ർ.​എ 130 ബാ​ലു​ഭ​വ​നി​ൽ ബാ​ലു​വി​നാ​ണ് ക്രൂ​ര​ മർദ്ദനത്തിന് ഇരയായത്.

ബു​ധ​നാ​ഴ്ച വൈകുന്നേരം 5.30ഓ​ടെ​യാ​യി​രു​ന്നു സം​ഭ​വം നടന്നത്. റെ​യി​ൽ​വേ പ്ലാ​റ്റ് ഫോ​മി​ന് സ​മീ​പം താ​മ​സി​ക്കു​ന്ന ബാ​ലു​വി​ന്റെ വീ​ടി​ന് മു​ന്നി​ൽ പ​തി​വാ​യി സി​ഗ​ര​റ്റ് വ​ലി​ച്ച് ബ​ഹ​ളം വ​ച്ചി​രു​ന്ന പ്ര​തി​ക​ളെ ബാ​ലു വി​ല​ക്കി​യി​രു​ന്നു. ഇതിന്റെ വി​രോ​ധം മൂലം കൂ​ട്ട​മാ​യി എ​ത്തി​യ പ്ര​തി​ക​ൾ ഇ​രു​മ്പ് ക​മ്പി​യും മ​ര​ക​ഷ്ണ​ങ്ങ​ളു​മാ​യെ​ത്തി അ​ടി​ച്ച് വീ​ഴ്​​ത്തി. ഒ​പ്പ​മു​ണ്ടാ​യി​രു​ന്ന​വ​ർ ബാ​ലു​വി​നെ നി​ല​ത്തി​ട്ട് ച​വി​ട്ടു​ക​യും ചെ​യ്തു. പ​രി​ക്കേ​റ്റ ബാ​ലു ആ​ശു​പ​ത്രി​യി​ൽ ചി​കി​ത്സ​യി​ലാ​ണ്.