പോപ്പുലർ ഫ്രണ്ടിൽ നിന്ന് വധഭീഷണി!, മുഖ്യമന്ത്രിക്ക് പരാതി നൽകി പിഡിപി ജനറൽ സെക്രട്ടറി

തിരുവനന്തപുരം : പോപ്പുലർ ഫ്രണ്ടിൽനിന്ന് വധഭീഷണിയുണ്ടെന്ന് കാട്ടി പിഡിപി ജനറൽ സെക്രട്ടറി നിസാർ മേത്തർ മുഖ്യമന്ത്രി പിണറായി വിജയന് പരാതി നൽകി. രാജ്യദ്രോഹ കുറ്റം ചുമത്തി അറസ്റ്റ് ചെയ്യപ്പെട്ട പോപ്പുലർ ഫ്രണ്ട് നേതാക്കൻമാർക്കൊപ്പം പിഡിപി ചെയർമാൻ അബ്ദുൾ നാസർ മഅദ്‌നിയുടെ ഫോട്ടോ പ്രചരിപ്പിക്കുന്നവർക്കെതിരെ നിസാർ മേത്തർ രംഗത്തെത്തിയിരുന്നു. നിയമനടപടി സ്വീകരിക്കുമെന്നായിരുന്നു പിഡിപി ജനറൽ സെക്രട്ടറി വ്യക്തമാക്കിയിരുന്നത്. ഇതിന് പിന്നാലെയാണ് വധഭീഷണി ഉയർന്നത്.