ലോകകേരള സഭ മേഖലാ സമ്മേളനം!, മുഖ്യമന്ത്രിയും മന്ത്രിമാരും അടങ്ങുന്ന സംഘം അമേരിക്കയിലേക്ക് തിരിച്ചു, ഉദ്ഘാടനം മറ്റന്നാൾ

പുലർച്ചെ 4.35 നുള്ള എമിറേറ്റ് വിമാനത്തിൽ തിരുവനന്തപുരം വിമാനത്താവളത്തിൽ നിന്നായിരുന്നു അദ്ദേഹം പുറപ്പെട്ടത്. അദ്ദേഹത്തിനൊപ്പം സ്പീക്കർ എ.എൻ ഷംസീർ, ധനമന്ത്രി കെ.എൻ ബാലഗോപാൽ എന്നിവരും ഉണ്ട്. ഏറെ വിവാദങ്ങൾക്കിടെയാണ് മുഖ്യമന്ത്രിയുടെയും സംഘത്തിന്റെയും വിദേശയാത്ര.

ന്യൂയോർക്കിലാണ് ലോകകേരള സഭ സംഘടിപ്പിക്കുന്നത്. സഭയുടെ അമേരിക്കൻ മേഖലാ സമ്മേളനം മറ്റെന്നാൾ പിണറായി വിജയൻ ഉദ്ഘാടനം ചെയ്യും. സമ്മേളനത്തിൽ പങ്കെടുത്ത ശേഷം മുഖ്യമന്ത്രി ന്യൂയോർക്കിൽ നിന്നും ക്യൂബയിലേക്ക് തിരിക്കും. 15, 16 തിയതികളിലാണ് മുഖ്യമന്ത്രിയുടെ ക്യൂബൻ സന്ദർശനം.