ഡൽഹിയിലെ അപകടനില മാറുമെന്ന് പ്രവചനം!, ജലനിരപ്പ് താഴ്ന്നു

ഡൽഹി : യമുന നദിയിലെ ജലനിരപ്പ് താഴ്ന്നു. വെള്ളം നീങ്ങിയതോടെ ഡൽഹിയിലെ പലറോഡുകളും തുറന്നുകൊടുത്തു. നിലവിൽ 205.5 മീറ്റർ ആണ് യമുന നദിയിലെ ജലനിരപ്പ്.

വരുന്ന മണിക്കൂറുകളിൽ 5 സെന്റീമീറ്റർ മുതൽ 15 സെന്റീമീറ്റർ വരെ ജലനിരപ്പ് കുറയുമെന്ന് കേന്ദ്ര ജല കമ്മീഷൻ അറിയിച്ചു. ഇതോടെ ജലനിരപ്പ് അപകടം നിലയ്ക്ക് താഴെയെത്തും. 5 ദിവസത്തിനുശേഷമാണ് യമുന നദിയിലെ ജലനിരപ്പ് അപകട നിലയ്ക്ക് താഴെ എത്തുന്നത്. എന്നാല്‍ താഴ്ന്ന പ്രദേശങ്ങള്‍ ഇപ്പോഴും വെള്ളത്തിനടിയില്‍ തന്നെയാണ്.