ഓട്ടോയിൽ മാലിന്യം തള്ളിയ മാന്യനെ ഫോണിൽ പകർത്തി!, കോർപ്പറേഷൻ ജീവനക്കാരന് മർദനം, ശേഷം ഫോണുമായി കടന്ന പ്രതി അറസ്റ്റിൽ

കൊച്ചി : മാലിന്യം തള്ളാൻ ഓട്ടോയിൽ എത്തിയവർ കോർപ്പറേഷൻ ജീവനക്കാരനെ മർദിച്ചു. കൊച്ചിൻ കോർപ്പറേഷൻ 14ാം വാർഡിലെ സാനിറ്റേഷൻ ജീവനക്കാരനും ഹെൽത്ത് സ്ക്വാഡ് അം​ഗവുമായ ചെറായി സ്വദേശി അരുണിനാണ് (39) മർദനമേറ്റത്.

സംഭവത്തിൽ കൊല്ലം സ്വദേശി ബിനുവിനെ പൊലീസ് അറസ്റ്റു ചെയ്തു. ഒരാൾക്കായി തെരച്ചിൽ തുടരുന്നു.