സ്കൂളില്‍ നിന്നും കാണാതായ വിദ്യാർത്ഥികളെ കണ്ടെത്തി!, കാണാതായത് ഈക്കഴിഞ്ഞ വ്യാഴാഴ്ച

തൃശൂർ : എരുമപ്പെട്ടി ഗവ.ഹയർ സെക്കൻ്ററി സ്കൂളില്‍ നിന്നും കാണാതായ വിദ്യാർത്ഥികളെ കണ്ടെത്തി. വടക്കാഞ്ചേരി അകമല അമ്പലത്തിന് സമീപത്ത് വെച്ചാണ് കുട്ടികളെ കണ്ടെത്തിയത്. മുള്ളൂര്‍ക്കര സ്വദേശി അനസ് ആണ് കുട്ടികളെ കണ്ടെത്തിയ വിവരം അറിയിച്ചത്. തുടര്‍ന്ന് ഇരുവരേയും അനസ് ബെെക്കില്‍ വടക്കാഞ്ചേരി പൊലീസ് സ്റ്റേഷനിലേക്ക് എത്തിക്കുകയായിരുന്നു. കുട്ടികളെ എരുമപ്പെട്ടി പോലീസ് എത്തി കൊണ്ടുപോകും.