.jpg)
ഇന്ത്യയില് ഡെങ്കിപ്പനി കേസുകള് വര്ധിച്ചുവരുന്ന സാഹചര്യത്തില്, വേദനസംഹാരികള്ക്ക് പകരം പാരസെറ്റമോള് വേദനസംഹാരിയായി ഉപയോഗിക്കണമെന്ന് ആരോഗ്യവകുപ്പ് ഉദ്യോഗസ്ഥര് രോഗികളോട് നിര്ദ്ദേശിച്ചിട്ടുണ്ട്.രോഗിക്ക് കടുത്ത പനി, ശരീരവേദന, ഛര്ദ്ദി തുടങ്ങിയ ലക്ഷണങ്ങള് ഉള്ളപ്പോള് പാരസെറ്റമോള് കഴിക്കാവുന്നതാണ്. ഇത് ഡെങ്കിപ്പനി രോഗികള്ക്ക് സുരക്ഷിതമാണെന്ന് കണക്കാക്കപ്പെടുന്നു. ഡെങ്കിപ്പനി ബാധിതരില് പാരസെറ്റമോള് പ്ലേറ്റ്ലെറ്റിനെ ബാധിക്കില്ലെന്നാണ് റിപ്പോര്ട്ട് .
എന്നിരുന്നാലും, ദീര്ഘകാലത്തേക്ക് പാരസെറ്റമോള് കഴിച്ചാല് ഇത് നിങ്ങളുടെ ശരീരത്തെ പ്രതികൂലമായി ബാധിക്കാൻ കാരണമാകുന്നു. മറ്റേതൊരു മരുന്നിനെയും പോലെ പാരസെറ്റമോള് കഴിക്കുന്നതിനും പാര്ശ്വഫലങ്ങള് ഉണ്ട്. എന്തെങ്കിലും അസ്വസ്ഥതകളോ വേദനയോ അനുഭവപ്പെടുമ്പോള് പലരും ചെയ്യുന്ന കാര്യമാണ് ഉടനെ ഒരു പാരസെറ്റമോള് എടുത്ത് കഴിക്കുക.എന്നാല് വാസ്തവത്തില് ഈ ഗുളിക നിങ്ങളുടെ വേദനയുടെ കാരണം ഇല്ലാതാക്കില്ല, പക്ഷേ വേദന കുറയ്ക്കും. തലവേദന, മൈഗ്രേൻ, ആര്ത്തവ വേദന എന്നിവയ്ക്കും പലരും ഇത് ഉപയോഗിക്കുന്നു. 5-6 മണിക്കൂറിന് ശേഷം വേദന തിരികെ വരുമ്പോള് വീണ്ടും ഗുളിക കഴിക്കുന്നു.
മയക്കം, ക്ഷീണം, ചുണങ്ങു, ചൊറിച്ചില് എന്നിവയാണ് പാരസെറ്റമോള് കഴിക്കുന്നതിന്റെ സാധാരണ പാര്ശ്വഫലങ്ങള്. ഉയര്ന്ന രക്തസമ്മര്ദ്ദം, വയറുവേദന, ഓക്കാനം, ഛര്ദ്ദി എന്നിവയുണ്ടെങ്കില് പാരസെറ്റമോളിന്റെ ദീര്ഘകാല ഉപയോഗം ക്ഷീണം, ശ്വാസതടസ്സം, വിരലുകളുടെയും ചുണ്ടുകളുടെയും നീല, വിളര്ച്ച (ചുവന്ന രക്താണുക്കളുടെ എണ്ണം കുറവ്), കരള്, വൃക്ക എന്നിവയുടെ തകരാറുകള്, ഹൃദ്രോഗം, സ്ട്രോക്ക് എന്നിവയ്ക്ക് കാരണമാകും. കോമ മുതലായവ സംഭവിക്കും. അതിനാല്, പാരസെറ്റമോള് അടങ്ങിയ മരുന്നുകള് ഉപയോഗിക്കുന്നതിന് ഡോക്ടരുടെ നിര്ദ്ദേശം നേടുക.
വാർത്തകൾ നൽകാൻ ഇവിടെ ക്ലിക്ക് ചെയ്യു
>
0 Comments