തൃക്കരുവയിൽ കേന്ദ്രസർക്കാർ പദ്ധതി പ്രകാരമുള്ള സൗജന്യ ഗ്യാസ് കണക്ഷൻ വിതരണം നടന്നു!, രണ്ടാംഘട്ട വിതരണ ഉദ്ഘാടനം നിർവ്വഹിച്ച് മഞ്ജു ആലയത്ത്, മികവാർന്ന പ്രവർത്തനത്തിന് അഭിനന്ദനങ്ങൾ അറിയിക്കുന്നതായി അജയൻ മകരവിളക്ക്

ഈ വർഷം മാത്രം 40 ഓളം ഗുണഭോക്താക്കൾക്ക് വാർഡ് മെമ്പർ മഞ്ജു ആലയത്തിന്റെ ശ്രമഫലമായി ഗ്യാസ് കണക്ഷൻ എടുത്തു നൽകുവാൻ സാധിച്ചതായി ബിജെപി ഏരിയ പ്രസിഡന്റ് അജയൻ മകരവിളക്ക്. ഈ നാലു വർഷത്തിനുള്ളിൽ തൃക്കരുവ ഗ്രാമപഞ്ചായത്തിൽ 250 ഓളം ഗുണഭോക്താക്കൾക്ക് ഉജ്ജ്വല യോജന പദ്ധതി പ്രകാരം ഗ്യാസ് കണക്ഷൻ എടുത്തു നൽകുവാൻ കഴിഞ്ഞിട്ടുണ്ട്. ഇത്രയും മികച്ച രീതിയിൽ തന്റെ വാർഡിലും സമീപവാർഡുകളിലും മികവ് പുലർത്തുന്ന വാർഡ് മെമ്പർ മഞ്ജു ആലയത്തിനെ ബിജെപി ഏരിയ പ്രസിഡന്റ് എന്ന നിലയിയിലും പൊതു പ്രവർത്തകനെന്ന നിലയിലും അഭിനന്ദനങ്ങൾ അറിയിക്കുന്നതായി അജയൻ മകരവിളക്ക് പ്രസ്താവനയിലൂടെ അറിയിച്ചു.