'കായൽപ്പെരുമയുമായൊരു വിദ്യാലയം'!, പ്രാക്കുളം ഗവൺമെൻ്റ് എൽ.പി സ്കൂളിൽ അഷ്ടമുടിക്കായലിലെ മത്സ്യങ്ങളുടെ പ്രദർശനവും ഭക്ഷ്യമേളയും നടന്നു, 'ഇഷ്ടമുടിക്കായൽ' കവിത ചൊല്ലി മലയാളത്തിന്റെ പ്രിയ കവി കുരീപ്പുഴ ശ്രീകുമാർ, ഒപ്പം ചേർന്ന് കുരുന്നുകളും

കൊല്ലം : പ്രാക്കുളം ഗവ എൽ.പി.സ്കൂളിൽ അഷ്ടമുടിക്കായലിന്റെ മത്സ്യ സമ്പത്തിന്റെ വൈവിധ്യങ്ങളുടെ പ്രദർശനവും ഭക്ഷ്യമേളയും നടന്നു. കുട്ടികൾ വ്യത്യസ്ത രുചികൾ നിറഞ്ഞ കായൽ വിഭവങ്ങളുമായാണ് രാവിലെ സ്കൂളിലെത്തിയത്. വീട്ടിൽ നിന്നു തയ്യാറാക്കിക്കൊണ്ടു വന്ന വിഭവങ്ങൾ ഡെസ്കുകളിലായി പ്രദർശിപ്പിച്ചു. വിഭവങ്ങളുടെ ചേരുവകളും തയ്യാറാക്കുന്ന വിധവും കുട്ടികൾ ചാർട്ടിൽ പ്രദർശിപ്പിച്ചു. കവി കുരീപ്പുഴ ശ്രീകുമാർ ഇഷ്ടമുടിക്കായൽ കാവ്യാലാപനം നടത്തി. കവി വാക്കനാട് സുരേഷും കവിതകൾ ചൊല്ലി. ഭക്ഷ്യമേള തൃക്കരുവ പഞ്ചായത്ത് പ്രസിഡന്റ് സരസ്വതി രാമചന്ദ്രൻ  ഉദ്ഘാടനം ചെയ്തു.