അന്താരാഷ്ട്ര യോഗദിനാഘോഷം...!, കൊല്ലം ജില്ലാതല ഉദ്‌ഘാടനം ജില്ലാ പഞ്ചായത്ത് പ്രസിഡൻ്റ് ഡോ. പി. ഗോപൻ നിർവ്വഹിച്ചു

അന്താരാഷ്ട്ര യോഗദിനാഘോഷത്തിൻ്റെ ജില്ലാതല ഉദ്‌ഘാടനം ജില്ലാപഞ്ചായത്ത് ജയൻസ്‌മാരക ഹാളിൽ ജില്ലാ പഞ്ചായത്ത് പ്രസിഡൻ്റ് ഡോ. പി. ഗോപൻ നിർവഹിച്ചു. ചിട്ടയായ യോഗാഭ്യാസം ജീവിതശൈലി രോഗങ്ങളിൽ നിന്നും മുക്തിയും മാനസിക-ആത്മീയ ശാന്തി നൽകും സംസ്ഥാന സർക്കാർ നടപ്പിലാക്കി വരുന്ന "യോഗ ഫോർ ഓൾ" പദ്ധതി യോഗക്ക് സർക്കാർ നൽകുന്ന പ്രാധാന്യത്തെ സൂചിപ്പി ക്കുന്നു. 

പാഠ്യപദ്ധതി പരിഷ്‌കരണത്തിൽ യോഗ പ്രധാന പാഠ്യവിഷയമായി ഉൾപ്പെടുത്തിയിട്ടുമുണ്ടെന്നും അദ്ദേഹം പറഞ്ഞു. ജില്ലാ പഞ്ചായത്ത് വൈസ് പ്രസിഡൻ്റ് ശ്രീജ ഹരീഷ് അധ്യക്ഷയായി ഡി.എം.ഒ മാരായ ഡോ. സി.എസ്. പ്രദീപ്, ഡോ, എ അഭിലാഷ്, ജില്ലാ പഞ്ചായത്ത് ആരോഗ്യസ്റ്റാൻഡിംഗ് കമ്മിറ്റി ചെയർമാൻ ഡോ. കെ.ഷാജി, നാഷണൽ ആയുഷ് മിഷൻ ഡി.പി.എം ഡോ. പി. പൂജ തുടങ്ങിയവർ പങ്കെടുത്തു. ഉദ്ഘാടനത്തോടനുബന്ധിച്ച് യോഗാപ്രദർശനവും നൃത്താവിഷ്കാരവും വിശിഷ്‌ടവ്യക്തികളെ ആദരിക്കലും നടത്തി.

 ജില്ലാ ആയുർവ്വേദ ആശുപത്രി ഹൈസ്ക്കൂൾ ജംഗ്ഷൻ എന്നിവിടങ്ങളിൽ നിന്നും യോഗാ റാലിയും   തേവള്ളി യോഗാ വെൽനസ് ഹാളിൽ നാഷണൽ ആയുഷ് മിഷൻ യോഗാ വെൽനസ് സെൻ്ററിൻ്റെ നേത്യത്വത്തിൽ സൗജന്യ മെഡിക്കൽ ക്യാമ്പും ജില്ലാ ഹോമിയോ ആശുപത്രിയുടെ നേതൃത്വത്തിൽ സൗജന്യ രക്തപരിശോധനാ ക്യാമ്പും അനുബന്ധമായി ഉണ്ടായിരുന്നു.