എസ്.എഫ്.ഐയില്‍ തിരുത്തല്‍ വേണം...!, എല്ലാ കുറ്റവും സി.പി.എമ്മിന്റേത് എന്ന് പറയുന്നതല്ല സി.പി.ഐ. നിലപാട്, സി.പി.ഐയും തിരുത്തണമെന്ന് ബിനോയ് വിശ്വം

തിരുവനന്തപുരം : എസ്.എഫ്.ഐ. വിദ്യാര്‍ത്ഥികള്‍ക്കൊപ്പം നില്‍ക്കുന്ന പ്രസ്ഥാനമാണെന്നും എന്നാല്‍ ഇടതുപക്ഷ നിലപാടിലൂന്നിയ തിരുത്തല്‍ എസ്.എഫ്.ഐയില്‍ നടത്തേണ്ടതുണ്ടെന്നും സി.പി.ഐ. സംസ്ഥാന സെക്രട്ടറി ബിനോയ് വിശ്വം.

സി.പി.എം. മാത്രമല്ല തിരുത്തേണ്ടത്, സി.പി.ഐയും തിരുത്തണം. എല്ലാ കുറ്റവും സി.പി.എമ്മിന്റേത് എന്ന് പറയുന്നതല്ല സി.പി.ഐ. നിലപാട്. ഇടതുപക്ഷത്തിന്റെ പരമ്പരാഗത കേന്ദ്രങ്ങളില്‍ വോട്ട് ചോര്‍ച്ച സംഭവിച്ചിട്ടുണ്ട്. അവ കൃത്യമായി പഠിച്ച് പരിശോധിക്കണമെന്നും സംസ്ഥാനത്ത് ഇടതുപക്ഷം ശക്തിപ്പെടണമെന്നും അദ്ദേഹം പറഞ്ഞു.