പിണറായിയെ ഭയക്കാത്ത സുധാകരന് പക്ഷെ കൂടോത്രം പേടി..!, കെ സുധാകരനെതിരെ കൂടോത്രം ചെയ്തത് പ്രമുഖ കോണ്‍ഗ്രസ് നേതാവ്, വെളിപ്പെടുത്തലുമായി പേഴ്‌സണല്‍ സ്റ്റാഫ് അംഗം

കോണ്‍ഗ്രസിനെ ബാധിച്ച കൂടോത്ര വിവാദം പുകയുന്നു. ‘കെപിസിസി അധ്യക്ഷന്‍ കെ സുധാകരന് എതിരെ കൂടോത്രം ചെയ്തത് പ്രമുഖ കോണ്‍ഗ്രസ് നേതാവ് തന്നെ..!”. എന്ന് കൂടോത്ര വിവാദത്തില്‍ നിര്‍ണ്ണായ വെളിപ്പെടുത്തലുമായി കെ സുധാകരന്റെ വിശ്വസ്തന്‍ രംഗത്ത്. കൂടോത്ര അവശിഷ്ടങ്ങള്‍ പുറത്തെടുക്കുന്നതിന് ദൃക്‌സാക്ഷിയായ വിപിന്‍ മോഹനാണ് വെളിപ്പെടുത്തലുമായി എത്തിയത്. കെ സുധാകരന്റെ മുന്‍ പേഴ്‌സണല്‍ സ്റ്റാഫ് അംഗം കൂടിയാണ് വിപിന്‍ മോഹന്‍. അതേസമയം ഏത് കോണ്‍ഗ്രസ് നേതാവാണ് അതിനു പിന്നിലെന്ന് ഈ വിശ്വസ്തന്‍ വെളിപ്പെടുത്തിയിട്ടില്ല. തന്നെ കൊല്ലാന്‍ വേണ്ടിയായിരുന്നു കൂടോത്രം നടത്തിയതെന്നാണ് കെ. സുധാകരന്‍ തുടക്കത്തില്‍ പറഞ്ഞത്. കൂടോത്രം ചെയ്തത് ആരാണെന്ന് പുറത്ത് വന്നിട്ടില്ല. രാജ് മോഹന്‍ എം പിയുടെ സാന്നിധ്യത്തിലാണ് കൂടോത്രം ചെയ്ത തകിടും രൂപവും മന്ത്രവാദി കണ്ടെടുത്തത്.

”ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സില്‍ പരിശോധന നടത്തിയിട്ടും സുധാകരന് ആരോഗ്യപ്രശ്‌നങ്ങള്‍ ഉള്ളതായി കണ്ടെത്തിയില്ല. നെഗറ്റീവ് എനര്‍ജിയാണ് ഇതിന് പിന്നിലെന്ന് പലരും പറയുകയും ചെയ്തു. തുടര്‍ന്ന് രാജ്‌മോഹന്‍ ഉണ്ണിത്താന്‍ നിര്‍ധേശിച്ചത് അനുസരിച്ച് നെഗറ്റീവ് എനര്‍ജി കണ്ടെത്താന്‍ ആചാര്യനെ വിളിച്ചുവരുത്തുകയായിരുന്നു”, വിപിന്‍ മോഹന്‍ പറഞ്ഞു.

വീടിന്റെ കന്നിമൂലയില്‍ മൂന്നടിത്താഴ്ചയില്‍ കുഴിച്ചിട്ട നിലയിലാണ് കൂടോത്രം കണ്ടെത്തിയത്. വിവാദങ്ങള്‍ തുടര്‍ച്ചയായി വേട്ടയാടിയ പശ്ചാത്തലത്തിലാണ് നെഗറ്റീവ് എനര്‍ജി കണ്ടെത്താന്‍ ആചാര്യനെ വിളിച്ചുവരുത്തിയത്. പേട്ടയിലെ വീട്ടിലും തുടര്‍ന്ന് കെപിസിസി ഓഫീസിലും ആചാര്യനെ കൊണ്ടുവന്നു പരിശോധിക്കുകയായിരുന്നു” ആധുനിക കാലത്തും കോണ്‍ഗ്രസ് നേതാക്കള്‍ കൂടോത്രംപോലുള്ള അന്ധവിശ്വാസങ്ങളില്‍ വിശ്വസിക്കുന്നതിനെ പലരും വിമര്‍ശിക്കുന്നുണ്ട്. രാജ്മോഹന്‍ ഉണ്ണിത്തനും കെ സുധാകരനും തങ്ങള്‍ക്ക് കൂടോത്രത്തില്‍ വിശ്വാസം ഉണ്ടെന്ന് പരസ്യമായി പറഞ്ഞിരുന്നു. മാസങ്ങള്‍ക്ക് മുമ്പ് സമാനമായ ആരോപണവുമായി കര്‍ണാടകയിലെ ഉപ മുഖ്യമന്ത്രി രംഗത്ത് എത്തിയിരുന്നു.