കെ. സുധാകരനെതിരെ വി.ഡി. സതീശന്‍

തിരുവനന്തപുരം : കെ. സുധാകരനെതിരെ ആഞ്ഞടിച്ച് പ്രതിപക്ഷ നേതാവ് വി.ഡി. സതീശന്‍. കെ.പി.സി.സി. ഓഫീസിലേക്ക് കയറാന്‍ പറ്റാത്ത സാഹചര്യമാണെന്ന് സതീശന്‍ പറഞ്ഞു. ഓഫീസില്‍ നടക്കുന്ന കാര്യങ്ങള്‍ പലതും പുറത്തുപറയാന്‍ കൊള്ളില്ലന്നും അദ്ദേഹം ആരോപിച്ചു. രാഷ്ട്രീയകാര്യ സമിതിയിലാണ് സുധാകരനെതിരെ കടുത്ത വിമര്‍ശനമുയര്‍ന്നത്.

നേരത്തെയും കെ.പി.സി.സി. അധ്യക്ഷന്റെ നടപടികളില്‍ സതീശന് അതൃപ്തിയുണ്ടായിരുന്നു. പലതവണ അദ്ദേഹം അത് പ്രകടിപ്പിക്കുകയും ചെയ്തിരുന്നു. കൂടോത്ര വിവാദത്തിലടക്കമുള്ള അതൃപ്തി സതീശന്‍ രാഷ്ട്രീയകാര്യ സമിതിയില്‍ ഉന്നയിച്ചു. എന്നാല്‍ ഇത്രയും വിമര്‍ശനമുയര്‍ന്നിട്ടും സുധാകരന്‍ വിഷയത്തില്‍ പ്രതികരിച്ചിട്ടില്ലെന്നാണ് റിപ്പോര്‍ട്ട്. കെ.പി.സി.സി. അധ്യക്ഷനും പ്രതിപക്ഷ നേതാവും തമ്മിലുള്ള തര്‍ക്കം മുറുകുന്നതിന്റെ സൂചന കൂടിയാണ് രാഷ്ട്രീയകാര്യ സമിതിയിലെ പൊട്ടിത്തെറി.