%20-%20Copy%20(95).jpg)
സ്വന്തം ലേഖകൻ
2023ല് രാജ്യത്തെ ഏറ്റവും സന്തോഷമുള്ള സംസ്ഥാനമായി വടക്കുകിഴക്കന് ഇന്ത്യയിലെ മിസോറാം മാറിയിരിക്കുകയാണ്. മ്യാന്മാറുമായും, ബംഗ്ലാദേശുമായും രാജ്യാന്തര അതിര്ത്തി പങ്കിടുന്ന മിസോറാമില് അധിവസിക്കുന്നത്, മിസോകള് എന്ന് വിളിക്കുന്ന തദ്ദേശവാസികളാണ്. മംഗളോയിഡ് വംശത്തില്പ്പെട്ടവരാണ് മിസോകള്. 'മിസോ' എന്നാല് 'മലമുകളിലെ മനുഷ്യര്' എന്നാണര്ത്ഥം. 'മി' എന്നാല് മനുഷ്യര് എന്നും 'സോ'എന്നാല് മല എന്നും ആര്ത്ഥം വരുന്ന രണ്ട് വാക്കുകള് ചേര്ന്ന് മിസോ-യില് നിന്നാണ് ഈ പ്രദേശത്തിന് മിസോറാം എന്ന പേര് ലഭിച്ചത്.
രാജ്യത്തെ ഏറ്റവും സന്തോഷമുള്ള സ്ഥലമായി മിസോറാം മാറിയതിന് പിന്നില് ഒട്ടേറേ ഘടകങ്ങളുണ്ട്. ന്യൂഡല്ഹിയിലെ മാനേജ്മെന്റ് ഡെവലപ്മെന്റ് ഇന്സ്റ്റിറ്റ്യൂട്ടിലെ സ്ട്രാറ്റജി പ്രൊഫസറായ രാജേഷ് കെ പിലാനിയ-യുടെ നേതൃത്വത്തില് നടത്തിയ പഠനത്തില് മിസോറാം, രാജ്യത്തെ ഏറ്റവും സന്തോഷകരമായ സംസ്ഥാനമായതിനെക്കുറിച്ചുള്ള കാരണങ്ങള് പറയുന്നു. നൂറ് ശതമാനം സാക്ഷരത കൈവരിക്കുന്ന ഇന്ത്യയിലെ രണ്ടാമത്തെ സംസ്ഥാനമായ മിസോറാം, ഏറ്റവും പ്രയാസമേറിയ സാഹചര്യങ്ങളില് പോലും വിദ്യാര്ത്ഥികള്ക്ക് വളര്ച്ചാ അവസരങ്ങള് പ്രദാനം ചെയ്യുന്നുവെന്നാണ് റിപ്പോര്ട്ടുകള്.
മിസോറാമിലെ കുടുംബ ബന്ധങ്ങള്, ജോലി സംബന്ധമായ പ്രശ്നങ്ങള്, സാമൂഹിക പ്രശ്നങ്ങള്, ജീവകാരുണ്യ പ്രവര്ത്തനങ്ങള്, മതം, സന്തോഷത്തില് കോവിഡ്-19 ന്റെ സ്വാധീനം, ശാരീരികവും മാനസികവുമായ ആരോഗ്യം എന്നിങ്ങനെ ആറ് മാനദണ്ഡങ്ങളെ അടിസ്ഥാനമാക്കിയാണ് മിസോറാമിന്റെ സന്തോഷ സൂചികയെന്നും പഠനം സൂചിപ്പിക്കുന്നു. മിസോറാമിനെ രാജ്യത്തെ ഏറ്റവും സന്തോഷമുള്ള സംസ്ഥാനമാക്കി മാറ്റുന്നത് പ്രധാനമായും അഞ്ച് ഈ ഘടകങ്ങളാണ്. മിസോറാം ഇന്ത്യയിലെ ഏറ്റവും സന്തോഷമുള്ള സംസ്ഥാനമാകാന് കാരണമായ ആ ഘടകങ്ങള് നോക്കാം:
1. ഉയര്ന്ന സാക്ഷരതാ നിരക്ക്
മിസോറാമിന്റെ സാക്ഷരതാ നിരക്ക് 100 ശതമാനമാണ്. ഇക്കാരണത്താല്, ജനങ്ങള് അവരുടെ സാമൂഹിക സാഹചര്യങ്ങളെക്കുറിച്ച് നന്നായി അറിയുകയും ലഭ്യമായ വിഭവങ്ങള് ഉപയോഗിച്ച് അവരുടെ ജീവിതം മെച്ചപ്പെടുത്തുന്നതിനായി പ്രവര്ത്തിക്കുകയും ചെയ്യുന്നു. ഏറ്റവും പ്രയാസകരമായ സാഹചര്യങ്ങളില്പ്പോലും ഇത്, വിദ്യാഭ്യാസമുള്പ്പടെയുള്ള കാര്യങ്ങളില് കുട്ടികള്ക്ക് വളര്ച്ചയ്ക്കുള്ള അവസരങ്ങള് പ്രദാനം ചെയ്യുന്നു,
2. തൊഴില് അവസരങ്ങള്
മിസോറാമില് വിദ്യാര്ത്ഥികള് വളരെ ചെറുപ്പത്തില് തന്നെ പല തൊഴിലുകളിലും ഏര്പ്പെട്ട്, സമ്പാദിക്കാന് തുടങ്ങുന്നു. ഇത് അവരെ സാമ്പത്തികമായി സ്വതന്ത്രരാക്കുന്നു. ഇക്കാരണത്താല്, അവര്ക്ക് ഇഷ്ടമുള്ള കരിയര് പിന്തുടരാനും കഴിയും.
3. തുല്യ സാമൂഹിക പദവി
മിസോറാമില് ഒരു ജോലിയും ചെറുതോ വലുതോ ആയി കണക്കാക്കുന്നില്ലെന്നും പെണ്കുട്ടികള്ക്കും ആണ്കുട്ടികള്ക്കും ഒരുപോലെ അവസരങ്ങള് നല്കുന്നുണ്ടെന്നും റിപ്പോര്ട്ടില് കാണിക്കുന്നു. തുല്യ സാമൂഹിക പദവി സംസ്ഥാനത്തിന്റെ വിജയത്തെയും സന്തോഷത്തെയും വളരെയധികം സഹായിക്കുന്നു.
4. സൗഹൃദ സ്കൂള് വിദ്യാഭ്യാസം
ഹൈസ്കൂള് തലത്തില്, സംസ്ഥാനത്തെ അധ്യാപകര് വിദ്യാര്ത്ഥികളെയും അവരുടെ രക്ഷിതാക്കളെയും പതിവായി കാണുകയും വിദ്യാര്ത്ഥികള് അഭിമുഖീകരിക്കുന്ന പ്രശ്നങ്ങള്, അവരുടെ വളര്ച്ചാ സാധ്യതകള് മുതലായവ ചര്ച്ച ചെയ്യുകയും ചെയ്യുന്നു. കുട്ടികള് അവരുടെ പ്രശ്നങ്ങള് അധ്യാപകരുമായും രക്ഷിതാക്കളുമായും പങ്കിടുന്നതില് സുരക്ഷിതത്വം അനുഭവിക്കുന്നു.
5. സാമ്പത്തിക സ്വാതന്ത്ര്യം
സംസ്ഥാനത്ത് ശിഥിലമായ കുടുംബങ്ങള് ഏറെയുണ്ടെങ്കിലും, ജോലി ചെയ്യുന്ന അമ്മമാരെ നോക്കിയാണ് കുട്ടികള് വളരുന്നത്. ഇത്, വളരെ ചെറുപ്പം മുതലേ കുട്ടികളെ ജീവിക്കാന് പഠിപ്പിക്കുന്നു. ഇത് അവരുടെ കൗമാരക്കാലത്തും പ്രായപൂര്ത്തിയായതിന് ശേഷവുമൊക്കെ വളരെയധികം സാമ്പത്തിക സ്വാതന്ത്ര്യം നല്കുന്നു.
സന്തോഷം തേടിയുള്ള യാത്ര..
അതിശയിപ്പിക്കുന്ന പ്രകൃതി ഭംഗിയാല് സമ്പന്നമാണ് മിസോറാം. ചെറുതുവലുതുമായ ഇരുപതിലധികം മലകള് ഇവിടെയുണ്ട്. ടുട്, തലാങ്, തുയിരിയല്, തുയിവാള് തുടങ്ങിയ നദികളും പലക് ദില്, താം ദില് എന്നീ തടാകങ്ങളും ഇവിടെ ആസ്വദിക്കാം. നിബിഢ വനങ്ങളും വന്യജീവികളും നിറഞ്ഞ ചംപോയ്-യിലെ മുര്ലന് ദേശീയോദ്യാനം, 750 അടി ഉയരത്തില് നിന്ന് താഴേക്ക് പതിക്കുന്ന തെന്സ്വാളിലെ വാന്ടവാംഗ് വെള്ളച്ചാട്ടം, ഡാംപ കടുവ വന്യജീവി സങ്കേതം, പാരഗ്ലൈഡിംങ് പോലുള്ള സാഹസികള്ക്കായി സെര്ചിപ്പ്, മിസോറം സംസ്കാരവും പൈതൃകവും അടുത്തറിയാന് ലുസേയ ഗോത്രക്കാരുടെ ഫാല്കാന് ഗ്രാമം എന്നിങ്ങനെ ഒട്ടേറേ കാര്യങ്ങള് ഇവിടെ ആസ്വദിക്കാനുണ്ട്.
ശ്രദ്ധിക്കുക പ്രേക്ഷകരെ...
നിരുത്തരവാദപരമായ അധികൃതരുടെയും അധികാര സ്ഥാനങ്ങളിൽ നിലയുറപ്പിച്ചവരുടെയും നിലപാടുകളെ അഷ്ടമുടി ലൈവ് 'നഖശിഖാന്തം' എതിർക്കുന്നു. ഇത്തരത്തിൽ പ്രേക്ഷകർക്കും നിങ്ങളുടെ പ്രശ്നങ്ങളും സമൂഹത്തിൽ നേരിടേണ്ടി വന്ന അസമത്വങ്ങളെക്കുറിച്ചും തട്ടിപ്പുകളിൽ നിങ്ങൾക്ക് അനുഭവത്തിൽ ഉള്ളതും ബോധ്യവുമായ വിവരങ്ങൾ അഷ്ടമുടി ലൈവുമായി പങ്കിടാം. വിവരം നൽകുന്ന ആളെ സംബന്ധിച്ച കാര്യങ്ങൾ തികച്ചും രഹസ്യമായി സൂക്ഷിക്കാൻ ഞങ്ങൾ പ്രതിജ്ഞാബദ്ധരാണ്...
ബന്ധപ്പെടേണ്ട വിലാസം:
ദി എഡിറ്റർ,
അഷ്ടമുടി ലൈവ് ന്യൂസ്
അഷ്ടമുടി പി.ഒ കൊല്ലം - 691602
ഗൂഗിൾ മാപ്പ് ലിങ്ക്: https://goo.gl/maps/gmvSRb41KTmZbUop9
ഫോൺ : +91 8907887883 ( വാട്സാപ്പിലും ലഭ്യം)
ഇ-മെയിൽ: ashtamudylivenews@gmail.com
അല്ലെങ്കിൽ, ബന്ധപ്പെടുക...
ഷെജീർ ജമാലുദ്ദീൻ
ചീഫ് എഡിറ്റർ, അഷ്ടമുടി ലൈവ് ന്യൂസ്
ഫോൺ: +91 9946986438
ഇൻഷാദ് സജീവ്
ന്യൂസ് എഡിറ്റർ, അഷ്ടമുടി ലൈവ് ന്യൂസ്
ഫോൺ: +91 7558032749
ഇ-മെയിൽ: inshad.ashtamudylive@gmail.com
നിരാകരണം : ഡേറ്റ സംബന്ധിച്ച് വിശ്വാസയോഗ്യമായ കേന്ദ്രങ്ങളെയാണ് അഷ്ടമുടി ലൈവ് ആശ്രയിക്കുന്നത്. പോലീസ്, വകുപ്പ് ഉദ്യോഗസ്ഥർ, മറ്റ് സർക്കാർ രേഖകൾ അല്ലെങ്കിൽ സ്വകാര്യ വ്യക്തികൾ തുടങ്ങിയവയെ ഉദ്ധരിച്ചാണ് അഷ്ടമുടി ലൈവ് വാർത്തകൾ. ഉള്ളടക്കം സംബന്ധിച്ച് പരാതിയുള്ള പക്ഷം ഞങ്ങളെ സമീപിക്കാവുന്നതാണ്. ഇതിനായി കേന്ദ്ര സർക്കാരിൻ്റെ കോഡ് ഓഫ് എത്തിക്സ് ആന്ഡ് ബ്രോഡ്കാസ്റ്റിംഗ് സ്റ്റാര്ഡേര്ഡ്സ് പ്രകാരമുള്ള പരാതി പരിഹാര സംവിധാനം അഷ്ടമുടി ലൈവിൽ പ്രവർത്തിക്കുന്നുണ്ട്. പരാതികൾ വെബ്സൈറ്റിൻ്റെ ഏറ്റവും താഴെയായി നൽകിയിട്ടുള്ള ലിങ്കിൽ ക്ലിക്ക് ചെയ്ത് വിവരങ്ങൾ പൂരിപ്പിച്ച് നൽകാനാകും.
വാർത്തകൾ നൽകാൻ ഇവിടെ ക്ലിക്ക് ചെയ്യു
>
0 Comments