പെരുമൺ - പേഴുംതുരുത്ത് പുതിയ ജങ്കാർ എത്തി...!, സർവ്വീസ് ഇന്ന് മുകേഷ് എം.എൽ.എ ഉദ്ഘാടനം ചെയ്യും,

കൊല്ലം : മൺറോത്തുരുത്തിലെ പേഴുംതുരുത്തിലേക്ക് പെരുമൺ ക്ഷേത്രക്കടവിൽ നിന്നുള്ള പനയം പഞ്ചായത്തിന്റെ പുതിയ ജങ്കാർ സർവീസ് ഇന്ന് ആരംഭിക്കും. രാവിലെ 11ന് നടക്കുന്ന ചടങ്ങിൽ സർവ്വീസ് എം. മുകേഷ് എം.എൽ.എ ഉദ്ഘാടനം ചെയ്യും.

പെരുമണിലെ ബോട്ട് ജെട്ടിയുടെ കോൺക്രീറ്റ് പൂർണമായും ഉണങ്ങിയിട്ടില്ലാത്തത്തിനാൽ 19 മുതലേ സ്ഥിരം സർവീസുണ്ടാകൂ.സർവീസിന് ഉപയോഗിക്കുന്ന ജങ്കാർ കഴിഞ്ഞമാസം 23ന് എത്തിയെങ്കിലും പെരുമൺ ക്ഷേത്രക്കടവിൽ ബോട്ട് ജെട്ടിയുടെ നിർമ്മാണം വൈകിയതിനാലാണ് സർവീസ് ആരംഭിക്കുന്നത് നീണ്ടത്. 

ചേർത്തലയിൽ എരമല്ലൂർ-കുടപുറം സർവീസ് നടത്തിയിരുന്ന ജങ്കാറാണ് സർവീസിന് ഉപയോഗിക്കുന്നത്. ഇതിൽ ഒരേസമയം 25 യാത്രക്കാർക്ക് പുറമേ 20 ഇരുചക്രവാഹനങ്ങളും നാല് കാറുകളും മൂന്ന് ഓട്ടോറിക്ഷകളും ഒരേസമയം കയറ്റാം.