കരിക്കോട് ഇൻഡസ് മോട്ടേഴ്സിൽ നിന്ന് വണ്ടിയെടുക്കല്ലെ...!, കാശും പോകും സമയവും പോകും സർവീസും കിട്ടില്ല, പരാതികളുമായി ഉപഭോക്താക്കൾ

സർവീസ് നീട്ടിക്കൊണ്ട് തങ്ങളുടെ വാഹനം പലപ്പോഴും ഷോറൂമിൽ പിടിച്ചിടുന്നത് ഇൻഡസിന് ഒരു ഹരം ആണെന്നാണ് ഉപഭോക്താക്കൾ പറയുന്നത്. ഷോറൂമിലേക്ക് സർവീസിനായി നൽകിയ വാഹനങ്ങൾ തിരികെ തരുമ്പോൾ പലപ്പോഴും സ്ക്രാച്ചുകൾ വീണ് കേടുപാടുകൾ സംഭവിക്കാറുണ്ടെന്നും ഇവ ചൂണ്ടിക്കാട്ടിയാൽ എടുക്കുന്ന സമയം ഇതുണ്ട് എന്ന് പറഞ്ഞുകൊണ്ട് തർക്കിക്കുമെന്നും ഇവർ ആരോപിക്കുന്നു. ജീവനക്കാർ വളരെ മോശമായ രീതിയിലാണ് പെരുമാറുന്നതെന്നും അവരുടെ എന്തോ എടുക്കാൻ ചെന്ന മട്ടിലാണ് അവരുടെ സംസാരരീതിയെന്നും അവർ എടുത്തു പറഞ്ഞു. സംഭവത്തിൽ കൊല്ലം കൺസ്യൂമർ കോർട്ട് മുഖേനെ പരസ്യപ്പെടുത്തിയ സർവീസ് നൽകാത്തതിന് ഒരു ഉപഭോക്താവ് നിയമനടപടി സ്വീകരിക്കാനും തയ്യാറെടുത്തിട്ടുണ്ട്. നിരവധി പരാതിക്കാർ ഉണ്ടെന്നും പരാതിക്കാരെ അടിച്ചമർത്തുന്ന നിലപാടാണ് കമ്പനി സ്വീകരിക്കുന്നതെന്നും വാർത്ത വന്നാൽ കൂടുതൽ പരാതിക്കാർ പുറത്തുവരുമെന്നും അവർ ചൂണ്ടിക്കാട്ടി.