ശനിയാഴ്ച ക്ലാസ് വേണോ?, പൊതു വിദ്യാഭ്യാസ വകുപ്പിന്റെ യോഗത്തിൽ എതിർപ്പ് രേഖപ്പെടുത്തി ഭൂരിപക്ഷം, നയപരമായ തീരുമാനം പിന്നീട്

തിരുവനന്തപുരം : ശനിയാഴ്ച പൊതുവിദ്യാലയങ്ങളിലെ പ്രവർത്തി ദിനമാക്കുന്നതിൽ ഭൂരിപക്ഷം പേർക്കും വിയോജിപ്പ്. പ്രവർത്തി ദിനങ്ങൾ കുട്ടുന്നതുമായി ബന്ധപെട്ട് പൊതുവിദ്യാഭ്യാസ വകുപ്പ് സംഘടിപ്പിച്ച യോഗത്തിലാണ് മാതാപിതാക്കളും, അദ്ധ്യാപകരും,വിദ്യാർത്ഥി സംഘടനാ പ്രതിനിധികളും വിയോജിപ്പ് വ്യക്തമാക്കിയത്.

പിന്നാലെ ചൈൽഡ് സൈക്കോളജിസ്റ്റും, ആരോഗ്യ–വിദ്യാഭ്യാസ വിതക്തരും ശനിയും ഞായറും അവധി നൽകണമെന്ന നിലപാടിനെ സ്വാഗതം ചെയ്യ്തു.എന്നാൽ 5 രക്ഷാകർത്താക്കളിൽ 2 പേർ പ്രവൃത്തിദിനം കൂട്ടണമെന്ന നിലപാടിൽ തന്നെ ഉറച്ചുനിന്നു.

പൊതുവിദ്യാലയങ്ങളിലെ പ്രവൃത്തിദിനങ്ങൾ കൂട്ടണമെന്ന് ആവശ്യപ്പെട്ട് ഒരാൾ സമർപ്പിച്ച ഹർജിയിലായിരുന്നു കോടതിയുടെ ഉത്തരവ്. അഭിപ്രായങ്ങൾ സ്വരൂപിച്ച ശേഷം നയപരമായ തീരുമാനമെടുക്കുമെന്ന് പ്രിൻസിപ്പൽ സെക്രട്ടറി റാണി ജോർജ് അറിയിച്ചു.

അധ്യയന വർഷം പ്രവൃത്തിദിനം 220 ആക്കി ഉയർത്തി സർക്കാർ പ്രസിദ്ധീകരിച്ച സ്കൂൾ കലണ്ടർ ഹൈക്കോടതി റദ്ദാക്കിയിരുന്നു. ഇതിന് പിന്നാലെയാണ് കോടതിയുടെ നിർദ്ദേശപ്രകാരം യോഗം ചേർന്നത്.