പുരസ്കാര ജേതാവായ സിനിമ എഡിറ്റർ നിഷാദ് യൂസഫ് ഫ്ലാറ്റിൽ തൂങ്ങി മരിച്ച നിലയിൽ....!, മരണവാർത്ത ഹൃദയം തകർക്കുന്നതായിരുന്നുവെന്ന് നടൻ സൂര്യ, നിഷാദിന്റെ അവസാനത്തെ പോസ്റ്റുകള്‍ തിരഞ്ഞ് സോഷ്യല്‍ മീഡിയ

അതേ സമയം, നഗരത്തിലെ ഫ്ലാറ്റിൽ ജീവനൊടുക്കിയ നിലയിൽ കണ്ടെത്തിയ എഡിറ്റർ നിഷാദ് യൂസഫിന് ആദരാഞ്ജലികൾ അർപ്പിച്ച് നടൻ സൂര്യ. തന്റെ സമൂഹമാദ്ധ്യമ അക്കൗണ്ടിലൂടെ പങ്കുവെച്ച പോസ്റ്റിലാണ് സൂര്യ നിഷാദിന്റെ വേർപാടിലുള്ള വേദന പങ്കുവെച്ചത്. സൂര്യയുടെ പുറത്തിറങ്ങാനിരിക്കുന്ന ഏറ്റവും പുതിയ ചിത്രമായ കങ്കുവയുടെ എഡിറ്റർ ആയിരുന്നു അന്തരിച്ച നിഷാദ്.

നിഷാദിന്റെ മരണവാർത്ത ഹൃദയം തകർക്കുന്നതായിരുന്നു എന്നാണ് സൂര്യ കുറിച്ചത്. കങ്കുവ ടീമിലെ ഏറ്റവും പ്രധാനപ്പെട്ട വ്യക്തിയായിരുന്നു അദ്ദേഹം. ഏറെ ശാന്തനായി കാണപ്പെട്ടിരുന്ന വ്യക്തി എന്ന നിലയിൽ അദ്ദേഹം എന്നും ഓർമിപ്പിക്കപ്പെടും. ഞങ്ങളുടെ ചിന്തകളിലും പ്രാർത്ഥനകളിലും നിങ്ങൾ ഉണ്ടാകും. അദ്ദേഹത്തിന്റെ കുടുംബത്തിനും സുഹൃത്തുക്കൾക്കും അനുശോചനങ്ങൾ അറിയിക്കുന്നു, എന്നായിരുന്നു സൂര്യ തന്റെ പോസ്റ്റിൽ കുറിച്ചത്.

നിഷാദിന്റെ അവസാനത്തെ സോഷ്യല്‍ മീഡിയ പോസ്റ്റുകള്‍ എല്ലാമാണ് ഇപ്പോള്‍ ആരാധകരെ ഏറെ വേദനിപ്പിക്കുന്നത്. സൂര്യയുടെ വന്‍ പ്രതീക്ഷയോടെ വരുന്ന കങ്കുവ എന്ന ചിത്രത്തിന്റെ എഡിറ്റര്‍ ആണ് നിഷാദ്. സിനിമയുടെ പ്രമോഷന്‍ സംമയത്ത് സൂര്യയ്ക്കും സംവിധായകനുമൊപ്പം നിന്നെടുത്ത സെല്‍ഫി ചിത്രമാണ് ഏറ്റവുമൊടുവില്‍ നിഷാദ് തന്റെ സോഷ്യല്‍ മീഡിയയില്‍ പങ്കുവച്ചത്.