കൊല്ലത്ത് ഓടിക്കൊണ്ടിരുന്ന കാറിന് തീപിടിച്ച് അപകടം...! പ്രദീപ് കുമാറും ഭാര്യയും രക്ഷപെട്ടത് തലനാരിഴയ്ക്ക്, കാരണം വ്യക്തമല്ല

സ്വന്തം ലേഖകൻ

കൊല്ലം : ഓടിക്കൊണ്ടിരുന്ന കാറിന് തീപിടിച്ചു. കാറിലുണ്ടായിരുന്ന മരുത്തടി കന്നിമേൽ ചേരി സ്വദേശി പ്രദീപ് കുമാറും ഭാര്യയും അതുഭുതകരമായി രക്ഷപ്പെട്ടു. അപകടം മനസ്സിലായ പ്രദീപ് കുമാർ ഭാര്യയുമായി ഉടൻ തന്നെ പുറത്തിറങ്ങിയതു മൂലം വൻ ദുരന്തം ഒഴിനായി.

അപകട സമയത്ത് പ്രദീപ്കുമാറും ഭാര്യയുമാണ് കാറിലുണ്ടായിരുന്നത്. കാർ ഓടിച്ചുകൊണ്ടിരിക്കെ മുൻവശത്ത് നിന്നും തീയും പുകയും ഉയരുന്നതുകണ്ട പ്രദീപ്കുമാർ ഉടൻതന്നെ ഭാര്യയോടൊപ്പം പുറത്തിറങ്ങി രക്ഷപ്പെടുകയായിരുന്നു.

വാഹനം പൂർണമായും കത്തി നശിച്ചു. അഗ്നിശമന സേന എത്തിയാണ് തീയണച്ചത്. തീപിടിത്തത്തിന്റെ കാരണം വ്യക്തമല്ല.