തിരുവനന്തപുരം : മകന്റെ ക്രൂരതയിൽ എല്ലാം നഷ്ടപ്പെട്ട അബ്ദുറഹീം തന്റെ പ്രിയപ്പെട്ടവര് ശാശ്വതനിദ്രയിലായ ഖബറിടത്തിലെത്തി കണ്ണീരൊഴിച്ചു. ഉമ്മയടക്കമുള്ള കുടുംബാംഗങ്ങളുടെ കബറുകള് കണ്ടപ്പോൾ സഹിഷ്ണുതയോടെ നിലനില്ക്കാൻ കഴിയാതെ പൊട്ടിക്കരഞ്ഞു. ബന്ധുക്കളും സുഹൃത്തുക്കളും ഒപ്പമുണ്ടായിരുന്നുവെങ്കിലും അദ്ദേഹത്തെ ആശ്വസിപ്പിക്കാനാകാതെ നിരാശയിലായിരുന്നു.
വികാരനിർഭരമായ മുഖാമുഖം
കൂട്ടക്കൊലയിൽ നിന്നും അത്ഭുതകരമായി രക്ഷപ്പെട്ട ഭാര്യ ഷെമിയെ കണ്ടശേഷമാണ് റഹീം ഖബറിടത്തിലെത്തിയത്. അവിടെ വികാരനിർഭരമായ രംഗങ്ങളാണ് അരങ്ങേറിയത്. "അബ്ദുറഹീം ഷെമിയെ കണ്ടു, അവർ അദ്ദേഹത്തെ തിരിച്ചറിഞ്ഞു," റഹീമിന്റെ സുഹൃത്ത് അബൂബക്കർ പറഞ്ഞു. ചെറിയ മകൻ അഹ്സാനെക്കുറിച്ചാണ് അവർ ചോദിച്ചിരുന്നത്. ‘തലയടിച്ചു വീണു’ എന്നാണ് ഷെമി സ്ഥിരമായി നൽകിയ മറുപടി," അബൂബക്കർ കൂട്ടിച്ചേർത്തു.
ഏഴ് വർഷത്തിന് ശേഷം നാട്ടിലേക്ക്
നീണ്ട ഏഴ് വർഷത്തിന് ശേഷം, ഇന്ന് രാവിലെയാണ് അബ്ദുറഹീം നാട്ടിലെത്തിയത്. സാമ്പത്തിക പ്രതിസന്ധിയും താമസ രേഖകളില്ലായ്മയും അദ്ദേഹത്തിന്റെ യാത്രയെ ദുഷ്കരമാക്കിയിരുന്നു. ഒടുവിൽ ഒരു സാമൂഹ്യ പ്രവർത്തകൻ്റെ ഇടപെടലിലൂടെ ആന്ന് നാട്ടിലെത്താൻ കഴിഞ്ഞത്.
.jpg)
