തിരുവനന്തപുരം : നാഷണലിസ്റ്റ് കോൺഗ്രസ് പാർട്ടി (എൻസിപി) കേരള സംസ്ഥാന അധ്യക്ഷനായി തോമസ് കെ. തോമസ് തിരഞ്ഞെടുക്കപ്പെട്ടു. പി. കെ. രാജൻ മാസ്റ്ററും പി. എം. സുരേഷ് ബാബുവും സംസ്ഥാന വൈസ് പ്രസിഡന്റുമാരായി നിയമിതരായി. ഇതിനുമായി ബന്ധപ്പെട്ട ഔദ്യോഗിക ഉത്തരവ് പുറത്തിറങ്ങി. 14 ജില്ലാ പ്രസിഡന്റുമാരുടെയും പിന്തുണ തോമസ് കെ. തോമസിനായിരുന്നു. പിന്തുണ അറിയിച്ച കത്ത് എൻസിപി ദേശീയ ജനറൽ സെക്രട്ടറി ജിതേന്ദ്ര ആവാദിന് കൈമാറിയതായി റിപ്പോർട്ടുകളുണ്ട്. "പ്രധാന നേതാക്കളുമായി ചർച്ച നടത്തി, അവർക്കുണ്ടായിരുന്ന അഭിപ്രായങ്ങൾ കേട്ടു," ജിതേന്ദ്ര ആവാദ് വ്യക്തമാക്കിയിരുന്നു.
എ.കെ. ശശീന്ദ്രൻ പക്ഷം വിജയിച്ചു
തോമസ് കെ. തോമസിന്റെ പേര് മന്ത്രിയുമായ എ. കെ. ശശീന്ദ്രൻ നേരത്തെ ശിപാർശ ചെയ്തിരുന്നു. പാർട്ടി ദേശീയ അധ്യക്ഷൻ ശരദ് പവാറിന് ഇ-മെയിൽ മുഖേന ശശീന്ദ്രൻ ഇതുസംബന്ധിച്ച് അഭ്യർത്ഥന അയച്ചു. തന്നെ സംസ്ഥാന അധ്യക്ഷനാക്കണമെന്ന് ആവശ്യപ്പെട്ടാൽ ചുമതല ഏറ്റെടുക്കാൻ തയാറാണെന്ന് തോമസ് കെ. തോമസ് അന്ന് വ്യക്തമാക്കിയിരുന്നു. മറ്റൊരു വിഭാഗം പി. എം. സുരേഷ് ബാബുവിനെ അധ്യക്ഷനാക്കാൻ താത്പര്യപ്പെട്ടിരുന്നുവെങ്കിലും ശശീന്ദ്രൻ പക്ഷം അതിനെ അനുകൂലിച്ചിരുന്നില്ല. അവസാനമായി, തിരഞ്ഞെടുത്ത സ്ഥാനാർത്ഥിയായി തോമസ് കെ. തോമസ് നിയമിതനായി.
.jpg)
