മുങ്ങിതാഴ്ന്ന സുഹൃത്തിനെ രക്ഷിക്കാനുള്ള ശ്രമത്തിനിടെ ഒഴുക്കിൽപ്പെട്ടു; 12-വയസ്സുകാരനായ വിദ്യാർത്ഥി മുങ്ങിമരിച്ചു

തൃശൂർ : സുഹൃത്തിനെ രക്ഷിക്കാൻ ശ്രമിക്കുന്നതിനിടെ വിദ്യാർത്ഥി മുങ്ങിമരിച്ചു. പഴയലക്കിടി പള്ളിപറമ്പിൽ സ്വദേശി വിശ്വജിത് (12) ആണ് മരിച്ചത്. ഇന്ന് വൈകിട്ട് 4.30 ഓടെയായിരുന്നു ദാരുണ സംഭവം. പഴയന്നൂർ ചീരക്കുഴി ഡാമിൽ കൂട്ടുകാരോടൊപ്പം കുളിക്കാനിറങ്ങിയതാണ് വിശ്വജിത്. കുളിക്കുന്നതിനിടെ കൂട്ടുകാരിൽ ചിലർ ഒഴുക്കിൽപ്പെടുകയും, ഇവരെ രക്ഷിക്കാൻ ശ്രമിച്ച വിശ്വജിത്ത് ഒഴുക്കിൽപ്പെട്ട് കാണാതാവുകയായിരുന്നു.

തുടർന്ന് നാട്ടുകാരുടെ നേതൃത്വത്തിൽ നടന്ന തിരച്ചിലിനിടെ വിശ്വജിത്തിനെ കണ്ടെത്തിയെങ്കിലും ആശുപത്രിയിൽ എത്തിച്ചപ്പോഴേക്കും ജീവൻ നഷ്ടപ്പെട്ടിരുന്നു. മൃതദേഹം തൃശ്ശൂർ മെഡിക്കൽ കോളേജ് ആശുപത്രിയിലേക്ക് മാറ്റിയിട്ടുണ്ട്. പോസ്റ്റ്മോർട്ടം നടപടികൾക്കുശേഷം മൃതദേഹം കുടുംബത്തിന് വിട്ടുകൊടുക്കുമെന്ന് ആശുപത്രി അധികൃതർ അറിയിച്ചു.