യു.ഡി.എഫ് ഭരിക്കുന്ന ചവറ ഗ്രാമപഞ്ചായത്തിലെ ആശാവർക്കർമാർക്ക് അധിക വേതനമായി 2000 രൂപ; സർക്കാരിനോട് അനുമതി തേടി

ചവറ : ആശാവർക്കർമാർക്ക് അധിക വേതനമായി 2000 രൂപയും കൂടി നൽകാനാണ് യു.ഡി.എഫ് ഭരിക്കുന്ന ചവറ ഗ്രാമപഞ്ചായത്ത് തീരുമാനിച്ചിരിക്കുന്നത്. നിലവിൽ ലഭിച്ചുവരുന്ന 7000 രൂപ ഓണറേറിയത്തിന് പുറമെ, പുതിയ തീരുമാനം നടപ്പായാൽ ആകെ 9000 രൂപയാകും ആശാവർക്കർമാർക്ക് ലഭിക്കുക.

ചവറ ഗ്രാമപഞ്ചായത്തിൽ നിലവിൽ 38 ആശാവർക്കർമാരാണ് സേവനം ചെയ്യുന്നത്. കൊവിഡ് കാലത്തും പിന്നീട് തുടർന്നും അവർ നൽകിയ അവിസ്മരണീയമായ സേവനവും, പ്രതിമാസം ലഭിക്കുന്ന തുച്ഛമായ വരുമാനവും കണക്കിലെടുത്താണ് തനത് ഫണ്ടിൽ നിന്ന് ആധികാരിക സഹായം നൽകുവാൻ പഞ്ചായത്ത് തീരുമാനിച്ചത്.

തനത് ഫണ്ടിൽ നിന്ന് പണം അനുവദിക്കുന്നതിനായി പഞ്ചായത്ത് സർക്കാരിനോട് അനുമതി തേടിയിട്ടുണ്ട്. അനുമതി ലഭിക്കുന്നതോടെയാണ് സഹായം വിതരണം ചെയ്യുക. എന്നാൽ സർക്കാരിന്റെ തീരുമാനം പ്രതിക്ഷോഭമായാൽ, ഇത് യു.ഡി.എഫ് രാഷ്ട്രീയ ആയുധമാക്കി ഉപയോഗിക്കാനാണ് സാധ്യത.