നഴ്‌സിങ് കോളേജ് റാഗിംഗ് കേസ്: പ്രതികളുടെ പ്രായം ഉൾപ്പെടെ കണക്കിലെടുത്ത് 5 പ്രതികൾക്ക് ജാമ്യം അനുവദിച്ച് കോടതി

കോട്ടയം : കേരളത്തെ നടുക്കിയ ഗാന്ധിനഗർ ഗവൺമെൻറ് നഴ്‌സിങ് കോളേജിലെ ക്രൂര റാഗിംഗ് കേസിൽ 5 പ്രതികൾക്ക് കോട്ടയം ജില്ലാ സെഷൻസ് കോടതി ജാമ്യം അനുവദിച്ചു. സീനിയർ വിദ്യാർത്ഥികളായ സാമുവൽ, ജീവ, റിജിൽജിത്ത്, രാഹുൽ രാജ്, വിവേക് എന്നിവർക്കാണ് ജാമ്യം ലഭിച്ചത്. പ്രതികളുടെ പ്രായവും അവർക്ക് മുൻകൂർ കുറ്റപ്രവൃത്തികളില്ലായ്മയും കണക്കിലെടുത്താണ് കോടതി ജാമ്യം അനുവദിച്ചത്. ജാമ്യമില്ലാതെ സുമാറായി 50 ദിവസത്തോളം പൊലീസ് കസ്റ്റഡിയിൽ കഴിയുകയായിരുന്നു പ്രതികൾ. ഫെബ്രുവരി 11നാണ് ജൂനിയർ വിദ്യാർത്ഥികളുടെ പരാതിയിന്മേൽ ഇവർ അറസ്റ്റിലായത്. തുടർന്നുള്ള തെളിവെടുപ്പിൽ വിദ്യാർത്ഥികൾ താമസിച്ചിരുന്ന ഹോസ്റ്റൽ മുറിയിൽ നിന്ന് ആയുധങ്ങൾ ഉൾപ്പെടെ പൊലീസ് കണ്ടെടുത്തിരുന്നു.

നഴ്‌സിങ് കോളേജിലെ ഒന്നാം വർഷ വിദ്യാർത്ഥികൾക്കെതിരെ ക്രൂരമായ മാനസികവും ശാരീരികവുമായ റാഗിംഗാണ് നടന്നത്. സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുകയും, സംസ്ഥാനത്തെ ജനങ്ങളെ നടുക്കുകയും ചെയ്തു. വീഡിയോ ദൃശ്യങ്ങളിൽ വിദ്യാർത്ഥിയുടെ ശരീരത്തിൽ കോമ്പസ് കൊണ്ട് കുത്തി മുറിവേൽപ്പിക്കുന്നതും, നിരവധി തവണ കുത്തുന്നത് പ്രത്യക്ഷപ്പെടുന്നതുമാണ്. വിദ്യാർത്ഥികൾ വേദനിച്ച് നിലവിളിച്ചിട്ടും ഉപദ്രവം തുടരുകയും ചെയ്തു. കാൽമുട്ടിലും മുറിവുകളിലും ലോഷൻ ഒഴിച്ചതും, സ്വകാര്യ ഭാഗങ്ങളിലും മുറിവേൽപ്പിച്ചതുമാണ് പരാതിയിൽ വിശദീകരിച്ചിരിക്കുന്നത്. വിദ്യാർത്ഥികളെ നഗ്നരാക്കി കൈയും കാലും കെട്ടിയിട്ടായിരുന്നു ക്രൂരമായ മർദനം. നിലവിളിക്കുമ്പോൾ വായിൽ ക്രീമും കലാമിൻ ലോഷനും ഒഴിച്ചതായും പരാതിയിൽ പറയുന്നു. സംഭവത്തിൽ തുടർ നിയമനടപടികൾക്ക് തയ്യാറെടുക്കുകയാണെന്ന് അന്വേഷണ സംഘം വ്യക്തമാക്കിയിട്ടുണ്ട്.