കൊച്ചി : കെട്ടിടത്തിന് ലൈസൻസ് വാഗ്ദാനം ചെയ്ത് കൈക്കൂലി വാങ്ങിയ സംഭവത്തിൽ തൃക്കാക്കര നഗരസഭയിലെ ഹെൽത്ത് ഇൻസ്‌പെക്ടർ നിതീഷ് റോയിയെ സസ്‌പെൻഡ് ചെയ്തു. പതിനേഴുകാരുടെ ലൈസൻസ് അനുമതി ആവശ്യം പരിഗണിക്കാമെന്ന വാഗ്ദാനത്തോടെ ഇയാൾ 8000 രൂപ കൈക്കൂലി വാങ്ങിയതായി റിപ്പോർട്ടുകളുണ്ട്. ട്വന്റിഫോർ ചാനൽ പുറത്തുവിട്ട അന്വേഷണ റിപ്പോർട്ടിന്റെ അടിസ്ഥാനത്തിലാണ് നടപടി. വകുപ്പ് തല അന്വേഷണം തുടരുമെന്നും നഗരസഭ വൃത്തങ്ങൾ അറിയിച്ചു.
കൈക്കൂലി വാങ്ങിയ കാര്യം നഗരസഭാ സെക്രട്ടറിയുടെയും കൗൺസിലർമാരുടെയും സാന്നിധ്യത്തിൽ തന്നെ നിതീഷ് റോയി സമ്മതിച്ചതായാണ് വിവരം. എന്നാൽ, കൈമാറിയ പണത്തിനും പിന്നാലെ ആവശ്യപ്പെട്ട ലൈസൻസ് നൽകാതിരുന്നതിനാൽ പരാതി നൽകിയ വ്യക്തി നേരിട്ടെത്തിയതോടെയാണ് സംഭവം പുറത്തറിഞ്ഞത്. ഇത് ആദ്യമായല്ല ഇയാൾക്കെതിരെ ഇത്തരം ആരോപണങ്ങൾ ഉയരുന്നത്. മുമ്പും പണം വാങ്ങിയ സംഭവങ്ങൾ ഉണ്ടായിരുന്നുവെന്നും അതിനോടനുബന്ധിച്ചുള്ള പരാതികൾ 'ഒതുക്കി തീർത്തതായി' നഗരസഭാ സെക്രട്ടറി തന്നെ വീഡിയോയിൽ വ്യക്തമാക്കിയിട്ടുണ്ട്.
വാർത്തകൾ നൽകാൻ ഇവിടെ ക്ലിക്ക് ചെയ്യു
>
0 تعليقات