തൃശൂര്‍ ശോഭ സിറ്റിയില്‍ സെക്യൂരിറ്റി ജീവനക്കാരന്‍ ചന്ദ്രബോസിനെ ആഡംബര കാറിടിച്ച് കൊലപ്പെടുത്തിയ കേസിൽ ജീവപര്യന്തം ശിക്ഷ അനുഭവിച്ചുവരുന്ന മുഹമ്മദ് നിഷാമിന് കേരള ഹൈക്കോടതി 15 ദിവസത്തെ പരോള്‍ അനുവദിച്ചു. അദ്ദേഹത്തിന്റെ ഭാര്യ നല്‍കിയ അപേക്ഷയുടെ അടിസ്ഥാനത്തിലാണു ഡിവിഷന്‍ ബഞ്ചിന്റെ വിധി. മുന്‍പ് ഈ ആവശ്യത്തെത്തുടര്‍ന്ന് പൊലീസ് സമര്‍പ്പിച്ച എതിര്‍പ്പ് പരിഗണിച്ച് സിംഗിള്‍ ബഞ്ച് ഹര്‍ജി തള്ളിയിരുന്നെങ്കിലും, ഡിവിഷന്‍ ബഞ്ച് ആ തീരുമാനം മറികടക്കിയാണ് ഇപ്പോഴത്തെ ഉത്തരവ്.
2015 ജനുവരി 29ന് തൃശൂര്‍ ശോഭ സിറ്റിയില്‍ സുരക്ഷാ ജീവനക്കാരനായ ചന്ദ്രബോസിനെ നിഷാം ആഡംബര വാഹനം ഹമ്മര്‍ ഉപയോഗിച്ച് ഇടിച്ച് പരുക്കേല്‍പ്പിക്കുകയും പിന്നീട് മര്‍ദ്ദിച്ചും കൊലപ്പെടുത്തുകയുമായിരുന്നു. ഗേറ്റ് തുറക്കുന്നതില്‍ വൈകിയതോടെയാണ് ആക്രമണമെന്നാണ് കേസ് വിശദാംശങ്ങൾ. ചന്ദ്രബോസ് വധക്കേസില്‍ നിഷാമിനെ വിചാരണ കോടതി ജീവപര്യന്തം തടവിനും, വിവിധ വകുപ്പുകളിലായി 24 വര്‍ഷം അധിക തടവിനും വിധിച്ചിരുന്നു. കൂടാതെ 80.30 ലക്ഷം രൂപ പിഴയും വിധിച്ചു. ഇതിൽ 50 ലക്ഷം രൂപ ചന്ദ്രബോസിന്റെ കുടുംബത്തിന് നല്‍കണമെന്നതായിരുന്നു കോടതി നിര്‍ദേശിച്ചത്. ഈ വിധിയെ പിന്നീട് ഹൈക്കോടതിയും ശരിവെച്ചിരുന്നു.
തുടര്‍ന്ന് സംസ്ഥാന സര്‍ക്കാര്‍ സുപ്രീംകോടതിയെ സമീപിച്ച് നിഷാമിന് വധശിക്ഷ ആവശ്യപ്പെട്ടിരുന്നു. മുമ്പും വിവിധ അവസരങ്ങളില്‍ നിഷാമിന് പരോള്‍ ലഭിച്ചിരുന്നു. ഇപ്പോഴത്തെ അപേക്ഷയില്‍ മാതാവിന്റെ ചികിത്സയുമായി ബന്ധപ്പെട്ട കാര്യങ്ങള്‍ വ്യക്തമാക്കിയായിരുന്നു പ്രതി 30 ദിവസത്തെ പരോള്‍ ആവശ്യപ്പെട്ടത്. എന്നാല്‍, ഹൈക്കോടതി 15 ദിവസത്തെ പരോള്‍ മാത്രമാണ് അനുവദിച്ചത്. വ്യവസ്ഥകള്‍ നിശ്ചയിക്കുന്ന ചുമതല ജയില്‍ വകുപ്പിന് കീഴിലായിരിക്കും. നിലവില്‍ മുഹമ്മദ് നിഷാം തൃശ്ശൂര്‍ വയൂര്‍ സെന്‍ട്രല്‍ ജയിലിലാണ് ശിക്ഷ അനുഭവിച്ചുകൊണ്ടിരിക്കുന്നത്.
വാർത്തകൾ നൽകാൻ ഇവിടെ ക്ലിക്ക് ചെയ്യു
>
0 تعليقات