കൊല്ലത്ത് ഭർത്താവ് ഭാര്യയെ കുത്തിക്കൊന്നു...!, കൊലപ്പെടുത്തിയത് കഴുത്തിലും വയറ്റിലും കത്രിക കൊണ്ട് കുത്തി; പ്രതിക്കായുള്ള അന്വേഷണം ഊർജ്ജിതം

കുട്ടികളുടെ മുന്നില്‍ നിന്ന് രേണുവിനെ മുറിയിലേക്ക് കൂട്ടി കൊണ്ടുപോയതിന് ശേഷം കത്രിക കൊണ്ട് കുത്തുകയായിരുന്നു. കഴുത്തിലും പുറത്തും വയറ്റിലുമായി ആഴത്തിലുള്ള മുറിവുകളാണ് ഉണ്ടായിരുന്നത്. 

ഉടന്‍ തന്നെ രേണുവിനെ കുളത്തുപ്പുഴയിലുള്ള പ്രാഥമികാരോഗ്യ കേന്ദ്രത്തില്‍ എത്തിച്ചെങ്കിലും ആരോഗ്യനില ഗുരുതരമായതിനാല്‍ കടയ്ക്കല്‍ താലൂക്ക് ആശുപത്രിയിലേക്ക് മാറ്റുകയായിരുന്നു. ആശുപത്രിയിലേക്ക് കൊണ്ടുപോകും വഴിയാണ് മരണം സംഭവിച്ചത്. സനുകുട്ടന്‍ കൊലനടത്തിയതിന് ശേഷം കാടിനുള്ളില്‍ ഓടിയൊളിച്ചതായി നാട്ടുകാര്‍ പറയുന്നു.