തിരുവനന്തപുരം : സംസ്ഥാനത്തെ മഴ മുന്നറിയിപ്പിൽ മാറ്റം. എട്ട് ജില്ലകളിൽ പുതിയ അലര്ട്ട് പ്രകാരം ഓറഞ്ചാണ്.
മലപ്പുറം, തിരുവനന്തപുരം, കൊല്ലം പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളിലാണ് അതി തീവ്രമഴ മുന്നറിയിപ്പുള്ളത്. മറ്റ് ആറ് ജില്ലകളിൽ യെല്ലോ അലര്ട്ടാണ്. അതിശക്തമായ മഴയെ കരുതിരിക്കണം എന്നാണ് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. എറണാകുളത്ത് മഴക്ക് നേരിയ ശമനമുണ്ട്.
വെള്ളമുയര്ന്നതോടെ, പാലക്കാട് മലമ്പുഴ ഡാം തുറന്നു. നാലു ഷട്ടറുകള്10 സെന്റിമീറ്റര് വീതമാണ് ഉയര്ത്തിയത്. ജലനിരപ്പ് ക്രമീകരിക്കാനാണ് വെള്ളം ഒഴുക്കിവിടുന്നത്. ഈ വര്ഷം മൂന്നാമത്തെ തവണയാണ് ഡാം തുറക്കുന്നത്.
മഴയെ തുടര്ന്ന് കൊച്ചി നഗരത്തിലുണ്ടായ വെള്ളക്കെട്ടിനെ തുടര്ന്ന് തകരാറിലായ ട്രെയിന് ഗതാഗതം ഭാഗീകമായി പുനസ്ഥാപിച്ചു. ബുധനാഴ്ച രാവിലെ ഒരു ട്രെയിന് റദ്ദാക്കി. കായംകുളത്ത് നിന്നും 8.50ന് പുറപ്പെട്ട് ആലപ്പുഴ വഴിയുള്ള എറണാകുളത്തെത്തുന്ന പാസഞ്ചര് ട്രയിനാണ് റദ്ദാക്കിയത്. മൂന്ന് ട്രയിനുകള് വൈകി ഓടുമെന്ന് റെയില്വേ നേരത്തെ അറിയിച്ചിരുന്നു.
.jpg)
