ഹോട്ടൽ വ്യവസായി കൊല്ലപ്പെട്ട സംഭവം: ക​ത്തി ക​ഴു​ത്തി​ൽ വെ​ച്ച് സിദ്ദീഖിൽനിന്ന് ഷിബിലി ആവശ്യപ്പെട്ടത് അഞ്ചുലക്ഷം!, ഇ​ന്ന് പ്രതികളെ​ കോ​ഴി​ക്കോ​ട്ട്​ തെ​ളി​വെ​ടു​പ്പ്​ ന​ട​ത്തി​യേ​ക്കും

തി​രൂ​ർ : കോ​ഴി​ക്കോ​ട്ടെ ഹോ​ട്ട​ൽ വ്യാ​പാ​രി, തി​രൂ​ർ ഏ​ഴൂ​ർ സ്വ​ദേ​ശി മേ​ച്ചേ​രി വീ​ട്ടി​ൽ സി​ദ്ദീ​ഖി​ൽ​നി​ന്ന് പ്ര​തി​ക​ൾ ആ​വ​ശ്യ​പ്പെ​ട്ട​ത് അ​ഞ്ചു​ല​ക്ഷം രൂ​പ. പോ​ലീ​സ് ചോ​ദ്യം​ചെ​യ്യ​ലി​ലാ​ണ് പ്ര​തി​ക​ളു​ടെ വെ​ളി​പ്പെ​ടു​ത്ത​ൽ. അതേസമയം റി​മാ​ൻ​ഡി​ലാ​യ പ്ര​തി​ക​ളെ ഇന്ന് പോ​ലീ​സ്​ ക​സ്റ്റ​ഡി​യി​ൽ വാ​ങ്ങും. തു​ട​ർ​ന്ന് കോ​ഴി​ക്കോ​ട്ട് കൃ​ത്യം ന​ട​ന്ന സ്ഥ​ല​ങ്ങ​ളി​ലെ​ത്തി​ച്ച്​ തെ​ളി​വെ​ടു​പ്പ്​ ന​ട​ത്തി​യേ​ക്കു​മെ​ന്ന്​ സൂ​ച​ന​യു​ണ്ട്. ഹോ​ട്ട​ലു​ക​ളി​ലും പ്ര​തി​ക​ൾ സ​ഞ്ച​രി​ച്ച ഭാ​ഗ​ങ്ങ​ളി​ലും തെ​ളി​വെ​ടു​പ്പ്​ ന​ട​ത്തു​മെ​ന്നാ​ണ്​ വി​വ​രം. ചെ​ന്നൈ​യി​ൽ നി​ന്ന്​ പി​ടി​കൂ​ടി​യ പ്ര​തി​ക​ളാ​യ ഷി​ബി​ലി​യെ​യും ഫ​ർ​ഹാ​ന​യെ​യും ശ​നി​യാ​ഴ്ച പു​ല​ർ​ച്ചെ​യാ​ണ്​ മ​ല​പ്പു​റ​ത്തെ​ത്തി​ച്ച​ത്.

ചോ​ദ്യം ചെ​യ്ത ശേ​ഷം ഉ​ച്ച​യോ​ടെ അ​ങ്ങാ​ടി​പ്പു​റം ചീ​ര​ട്ടാ​മ​ല​യി​ൽ തെ​ളി​വെ​ടു​പ്പ് ന​ട​ത്തി രാ​ത്രി​യാ​ണ്​ കോ​ട​തി​യി​ൽ ഹാ​ജ​രാ​ക്കി​യ​ത്. മ​ല​പ്പു​റം ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്‌​ട്രേ​റ്റി​ന് മു​മ്പാ​കെ ഹാ​ജ​രാ​ക്കി​യാ​ണ് ഇ​രു​വ​രെ​യും റി​മാ​ൻ​ഡ് ചെ​യ്ത​ത്. ഹ​ണി​ട്രാ​പ്പി​ൽ കു​രു​ക്കി സി​ദ്ദീ​ഖി​നെ ന​ഗ്ന​നാ​ക്കി ഫോ​ട്ടോ എ​ടു​ത്ത് ബ്ലാ​ക്ക് മെ​യി​ൽ ചെ​യ്ത് പ​ണം ത​ട്ടാ​നാ​യി​രു​ന്നു പ്ര​തി​ക​ളു​ടെ പ​ദ്ധ​തി. മു​ഖ്യ പ്ര​തി​യാ​യ ഷി​ബി​ലി അ​ഞ്ചു​ല​ക്ഷം രൂ​പ​യാ​ണ് സി​ദ്ദീ​ഖി​ൽ​നി​ന്ന് ആ​വ​ശ്യ​പ്പെ​ട്ട​ത്. ന​ഗ്ന​നാ​ക്കി ഫോ​ട്ടോ എ​ടു​ക്കാ​നു​ള്ള ശ്ര​മം എ​തി​ർ​ത്ത സി​ദ്ദീ​ഖി​നെ കൈ​യി​ൽ ക​രു​തി​യി​രു​ന്ന ക​ത്തി ക​ഴു​ത്തി​ൽ വെ​ച്ച് ഷി​ബി​ലി പ​ണം ആ​വ​ശ്യ​പ്പെ​ടു​ക​യാ​യി​രു​ന്നു.

ഭീ​ഷ​ണി​യി​ലൂ​ടെ ഭ​യ​പ്പെ​ടു​ത്താ​ൻ ക​ത്തി​കൊ​ണ്ട് സി​ദ്ദീ​ഖി​ന്റെ ക​ഴു​ത്തി​ൽ വ​ര​ച്ച് മു​റി​വു​ണ്ടാ​ക്കി. എ​ന്നാ​ൽ, വ​ഴ​ങ്ങാ​തെ വ​ന്ന​തോ​ടെ സി​ദ്ദീ​ഖും പ്ര​തി​ക​ളും ത​മ്മി​ൽ ബ​ല​പ്ര​യോ​ഗ​മു​ണ്ടാ​വു​ക​യാ​യി​രു​ന്നു. ഇ​തി​ന് പി​ന്നാ​ലെ​യാ​ണ് ഫ​ർ​ഹാ​ന എ​ടു​ത്തു​കൊ​ടു​ത്ത ചു​റ്റി​ക​കൊ​ണ്ട് ഷി​ബി​ലി, സി​ദ്ദീ​ഖി​ന്റെ ത​ല​ക്ക​ടി​ക്കു​ക​യും ആ​ഷി​ഖ് നെ​ഞ്ചി​ൽ ആ​ഞ്ഞ് ച​വി​ട്ടു​ക​യും ചെ​യ്ത​ത്. ഇ​താ​ണ്​ സി​ദ്ദീ​ഖി​ന്റെ മ​ര​ണ​ത്തി​ലേ​ക്ക് ന​യി​ച്ച​ത്. ഹ​ണി​ട്രാ​പ്പി​ന് വ​ഴ​ങ്ങു​ക​യാ​ണെ​ങ്കി​ൽ ബ്ലാ​ക്ക് മെ​യി​ലി​ലൂ​ടെ സി​ദ്ദീ​ഖി​ൽ​നി​ന്ന് ല​ക്ഷ​ങ്ങ​ൾ ത​ട്ടി​യെ​ടു​ത്ത് ആ​ഡം​ബ​ര ജീ​വി​തം ന​യി​ക്കാ​നാ​യി​രു​ന്നു ​പ്ര​തി​ക​ൾ പ​ദ്ധ​തി​യി​ട്ട​തെ​ന്ന്​ പോ​ലീ​സ്​ പ​റ​ഞ്ഞു. ഇ​ന്ന്​ കോ​ഴി​ക്കോ​ട്ട്​ തെ​ളി​വെ​ടു​പ്പ്​ ന​ട​ത്തി​യേ​ക്കും