ഡെൽഹി : ദി കേരള സ്റ്റോറി നിരോധിച്ച ബംഗാള് സര്ക്കാരിന് തിരിച്ചടി. പ്രദര്ശന വിലക്ക് സുപ്രിംകോടതി പിന്വലിച്ചു. ബംഗാളില് ചിത്രത്തിന്റെ പൊതുപ്രദര്ശനം ആകാമെന്ന് സുപ്രിംകോടതി ഉത്തരവ്. മെയ് 5 ന് റിലീസ് ചെയ്ത ചിത്രം സംസ്ഥാനത്തിനകത്ത് സമാധാനം നിലനിര്ത്തുന്നതിനായി ബംഗാള് സര്ക്കാര് നിരോധിച്ചിരുന്നു.
സാമുദായിക സൗഹാര്ദത്തെ വ്രണപ്പെടുത്തുകയും ക്രമസമാധാന നില തകര്ക്കുകയും ചെയ്യുന്ന വിദ്വേഷ പ്രസംഗങ്ങളും കൃത്രിമ വസ്തുതകളും അടങ്ങിയിരിക്കുന്നതിനാലാണ് കേരള സ്റ്റോറി സംസ്ഥാനത്ത് നിരോധിച്ചതെന്ന് പശ്ചിമ ബംഗാള് സര്ക്കാര് സുപ്രീം കോടതിയെ അറിയിച്ചിരുന്നു.
അതേസമയം തമിഴ്നാട് സര്ക്കാരിനോടും ചിത്രം നിരോധിക്കരുത് എന്ന് സുപ്രിംകോടതി. ചീഫ് ജസ്റ്റിസ് ഡി വൈ ചന്ദ്രചൂഡ്, ജസ്റ്റിസ് പി എസ് നരസിംഹ, ജസ്റ്റിസ് ജെ ബി പര്ദിവാല എന്നിവരടങ്ങിയ ബെഞ്ചാണ് വാദം കേള്ക്കുന്നത്. മുതിര്ന്ന അഭിഭാഷകന് ഹരീഷ് സാല്വെയാണ് നിര്മ്മാതാവിന് വേണ്ടി ഹാജരായത്.
വാർത്തകൾ നൽകാൻ ഇവിടെ ക്ലിക്ക് ചെയ്യു
>
0 Comments