തിരുവനന്തപുരം : ആഭ്യന്തര വകുപ്പ് അഡീഷണല് ചീഫ് സെക്രട്ടറിയായി ബിശ്വനാഥ് സിന്ഹയ്ക്ക് നിയമനം. ഡോ. വി വേണു ചീഫ് സെക്രട്ടറിയാകുന്ന ഒഴിവിലേക്കാണ് നിയമനം. നിലവില് ധനവകുപ്പ് അഡീഷണല് ചീഫ് സെക്രട്ടറിയായിരുന്നു ബിശ്വനാഥ് സിന്ഹ. രബീന്ദ്രകുമാര് അഗര്വാളിനെ ധനവകുപ്പ് പ്രിന്സിപ്പല് സെക്രട്ടറിയായും നിയമിച്ചു. നിയമനം സംബന്ധിച്ച് സര്ക്കാര് ഉത്തരവ് പുറത്തിറക്കി.
രബീന്ദ്രകുമാര് കേന്ദ്ര ഡപ്യൂട്ടേഷന് കഴിഞ്ഞ് മടങ്ങി വരുന്നത് വരെ സംസ്ഥാന തെരഞ്ഞെടുപ്പ് കമ്മീഷനായ സഞ്ജയ് എം കൗളാകും ധനകാര്യ വകുപ്പ് സെക്രട്ടറിയുടെ അധിക ചുമതല വഹിക്കുക. തദ്ദേശഭരണ വകുപ്പ് പ്രിന്സിപ്പല് സെക്രട്ടറി ഷര്മിള മേരി ജോസഫിന് മാതൃ-ശിശു വകുപ്പിന്റെ അധിക ചുമതല കൂടി നല്കിയിട്ടുണ്ട്. പൊതുമരാമത്ത് സെക്രട്ടറി കെ ബിജുവിന് ടൂറിസം സെക്രട്ടറിയുടെ അധിക ചുമതല നല്കി.
ഡോ എ കൗശിഗന് ലാന്ഡ് റവന്യു കമ്മീഷണറാകും. പ്രേം കൃഷ്ണനെ കെഎസ്ടിപി ഡയറക്ടറായി നിയമിച്ചു. മുഹമ്മദ് ഹനീഷിന് ആരോഗ്യ കുടുംബ ക്ഷേമ വകുപ്പ് പ്രിന്സിപ്പല് സെക്രട്ടറിയുടെ അധിക ചുമതലയുണ്ട്. തുറമുഖ വകുപ്പിന്റെ അധിക ചുമതല കെ എസ് ശ്രീനിവാസിനും പരിസ്ഥിതി വകുപ്പിന്റെ അധിക ചുമതല ഡോ രത്തന് യു ഖേല്ക്കറിനുമായിരിക്കും.
വാർത്തകൾ നൽകാൻ ഇവിടെ ക്ലിക്ക് ചെയ്യു
>
0 Comments