ഐപിഎസ് തലപ്പത്ത് 'തല' മാറ്റം; എഐജി ഹരിശങ്കറിനെയടക്കം മാറ്റി

തിരുവനന്തപുരം : സംസ്ഥാന പൊലീസ് സേനയിലെ ഉന്നത ഉദ്യോഗസ്ഥരുടെ പുനഃസംഘടനയിൽ വയനാട് പൊലീസ് മേധാവി ആർ ആനന്ദിനെ പാലക്കാട് എസ്പിയായും ഇന്ത്യൻ റിസർവ് ബറ്റാലിയൻ കമാൻഡന്റ് പദം സിങ്ങിനെ വയനാട് എസ്പി സ്ഥാനത്തും നിയമിച്ചു. പോലീസ് ആസ്ഥാനത്തെ എഐജി ഹരിശങ്കറിന് ഇൻഫർമേഷൻ, കമ്മ്യൂണിക്കേഷൻ ആൻഡ് ടെക്‌നോളജി (സൈബർ ഓപ്പറേഷൻസ്) എസ്പി സ്ഥാനമാണ് നൽകിയിരിക്കുന്നത്. പാലക്കാട് പോലീസ് മേധാവി ആർ വിശ്വനാഥാണ് പോലീസ് ആസ്ഥാനത്ത് പുതിയ എഐജി.

എടിഎസ് എസ്പി എ പി ഷൗക്കത്തലിയാണ് പുതിയ ആലപ്പുഴ ക്രൈംബ്രാഞ്ച് മേധാവി. സ്പെഷ്യൽ ഓപ്പറേഷൻസ് ഗ്രൂപ്പ് എസ്പി നിധിൻ രാജിനെ ഇന്ത്യൻ റിസർവ് ബറ്റാലിയൻ കമാൻഡന്റായി നിയമിച്ചു. എറണാകുളം വിജിലൻസ് സ്പെഷ്യൽ സെൽ എസ്പി പി ബിജോയ് തിരുവനന്തപുരം റേഞ്ച് എസ്പിയായി ചുമതലയേറ്റു. ആലപ്പുഴ സിബി എസ്പി സുദർശൻ കെഎസിനെ പുതിയ എറണാകുളം വിജിലൻസ് സ്പെഷ്യൽ സെൽ എസ്പിയായി നേരത്തേ നിയമിക്കും. ഇൻഫർമേഷൻ, കമ്മ്യൂണിക്കേഷൻ ആൻഡ് ടെക്‌നോളജി എസ്പി ഷാജി സുഗുണനാണ് പുതിയ വനിതാ കമ്മിഷൻ ഡയറക്ടർ. കെഎപി-2 ബറ്റാലിയൻ കമാൻഡന്റിന് സിവിൽ സപ്ലൈസ് കോർപ്പറേഷൻ വിജിലൻസ് ഓഫീസറുടെ റോളാണ് നൽകിയിരിക്കുന്നത്.