മാനേജ്‌മെന്റ് യോഗത്തില്‍ അര്‍ദ്ധ നഗ്നനായി പങ്കെടുത്തു!, എയര്‍ ഏഷ്യ സി.ഇ.ഒ ടോണി ഫെര്‍ണാണ്ടസിനെതിരെ വ്യാപക വിമര്‍ശനം, മസാജിങ്ങിനുള്ള സമയം ഇതല്ലെന്ന് സോഷ്യൽ മീഡിയ

ഡൽഹി : അര്‍ദ്ധ നഗ്നനായി മാനേജ്‌മെന്റ് യോഗത്തില്‍ പങ്കെടുക്കുന്ന ചിത്രം സമൂഹമാധ്യമങ്ങളില്‍ പങ്കുവച്ച എയര്‍ഏഷ്യ ചീഫ് എക്‌സിക്യൂടിവ് ഓഫിസര്‍ ടോണി ഫെര്‍ണാണ്ടസിനെതിരെ ഉയരുന്നത് വ്യാപക വിമര്‍ശനം.

മസാജിങ്ങിനു വിധേയനാകുന്ന സമയത്തുതന്നെ കമ്പനിയുടെ ഔദ്യോഗിക യോഗത്തില്‍ പങ്കെടുക്കാനും അവസരം നല്‍കുന്ന ശൈലിയെ അഭിനന്ദിച്ച്‌ കൊണ്ടുള്ള ഈ ചിത്രം ടോണി ഫെര്‍ണാണ്ടസ് തന്നെയാണ് ‘ലിങ്ക്ഡ് ഇനി’ല്‍ പങ്കുവച്ചത്.

ഒരു കോണ്‍ഫറന്‍സ് മുറിയില്‍ യുവതി മസാജ് ചെയ്യുന്നതിനിടെ കമ്പനിയുടെ യോഗത്തിലും പങ്കെടുക്കുന്നതാണ് ചിത്രത്തിലുള്ളത്. അതേസമയം, ടോണിയുടെ പ്രവൃത്തി തീര്‍ത്തും അനുചിതമാണെന്ന് അഭിപ്രായമാണ് സമൂഹമാധ്യമങ്ങളില്‍ ഉയരുന്നത്.