സ്വകാര്യ വ്യക്തിയുടെ ആൾമറയില്ലാത്ത കിണറ്റിൽ അജ്ഞാത മൃതദേഹം!, കണ്ടെത്തിയത് ദുർഗന്ധത്തെ തുടർന്ന് പരിശോധിക്കവേ, അന്വേഷണം

കോട്ടക്കൽ : സ്വകാര്യ വ്യക്തിയുടെ വീട്ടുവളപ്പിലെ ആൾമറയില്ലാത്ത കിണറ്റിൽ അജ്ഞാത മൃതദേഹം കണ്ടെത്തി.

ഒതുക്കുങ്ങൽ പഞ്ചായത്തിൽ ഉൾപ്പെട്ട പാലപ്പുറയിലാണ് സംഭവം. ദുർഗന്ധം വമിച്ചതിനെ തുടർന്ന് നടത്തിയ പരിശോധനയിലാണ് മൃതദേഹം കാണുന്നത്.

മുപ്പത് വയസ് പ്രായം തോന്നിക്കുന്ന മൃതദേഹം ഇതര സംസ്ഥാന തൊഴിലാളിയുടേതെന്നാണ് നിഗമനം. കോട്ടക്കൽ പൊലീസ് ഇൻക്വസ്റ്റ് പൂർത്തിയാക്കി. ശേഷം മഞ്ചേരി മെഡിക്കൽ കോളജ് ആശുപത്രിയിലേക്ക് മാറ്റി.