കൊല്ലത്ത് ഗുണ്ടാ ആക്രമണം!, ഗൃഹനാഥനെയും ഓട്ടോ ഡ്രൈവറെയും മർദ്ദിച്ച് ആശുപത്രിയിലാക്കി, പ്രതികളെ ഉടൻ പിടികൂടുമെന്ന് പോലീസ്

വൈകിട്ട് അഞ്ചു മണിയോടെ അക്രമിസംഘം ശിവപ്രസാദിന്റെ വീട്ടിൽ എത്തിയിരുന്നു. ഭാര്യ ഷിജിയോട് ശിവപ്രസാദിനെ തിരക്കുകയും വീട്ടിൽ ഇല്ലന്ന് അറിഞ്ഞതോടെ ഇവർ തിരിച്ചു പോയി റോഡിൽ തമ്പടിക്കുകയായിരുന്നു. ഇതിന് ശേഷം ഓട്ടോറിക്ഷയിൽ വന്നിറങ്ങിയ ശിവപ്രസാദിനെയും അക്രമം തടയുന്നതിനിടെ ഓട്ടോറിക്ഷ ഡ്രൈവറെയും റോഡിൽ കാത്ത് നിന്ന സംഘം മാരകായുധങ്ങളുമായി ആക്രമിക്കുകയായിരുന്നു. 

ബ്ലോക്ക് ഓഫീസിന് സമീപം താമസിക്കുന്ന മനു, ഉളിയനാട് സ്വദേശി ലാലു എന്നിവരുടെ നേത്രത്വത്തിലുള്ള സംഘമാണ് ആക്രമിച്ചതെന്നാണ് പൊലീസിന് ലഭിച്ച വിവരം. സംഭവത്തിൽ പരാതിയുടെ അടിസ്ഥാനത്തിൽ ചാത്തന്നൂർ പൊലീസ് കേസെടുത്ത് അന്വേഷണം തുടങ്ങി. പ്രതികളെ ഉടൻ പിടികൂടുമെന്ന് പോലീസ് അറിയിച്ചു.